呢個年代, 個個都識玩電腦, 打字, 拍片, 乜都齊, 人人都可以report任何事, 任何product, 甚至個個都可以做blogger, 而小妹呢? 就應該係苦榮mode, 好想做blogger，甚至想到自己以為自己已經係blogger. 平時見d blogger都會做下review, 試野, 試service既時候, 梗係相片豐富, 圖文並茂, 極度豐富, 睇到你好似身歷其境咁. 咁話說某人小妹有個機會, 試下一個新既減肥消脂機 - 隔空溶脂(即係咁, 員工以為免費, 但其實我係要俾錢去換呢個體驗機會...只可以話係因為有人從中取利, 呢d唔講住) 咁, 勁想搵野寫下既我, 除左平時openrice寫下野之外, 都好想寫下新野, 當然想好似平時d blogger咁, 影下相, 紀錄下, 之但係...當我開口問, 可唔可以影下枱面個盒既時候, consultant一口拒絕, 話唔可以影, 咁其實黎緊我係要試盒入邊既幾支測試體質既精油既, ...咁我以為個盒入邊已經寫晒咩驚天大秘密, 絕密配方啦, 但打開個盒, 入邊只係有幾支啡色既玻璃樽, 無label, 無字, 無分別...咁呢幾個樽, 其實係佢自己既廣告入邊, 都出現過, 甚至仲多左label添. 咁, 唔怪得, 通常係blog見到有好多相既, 圖文並茂既, 通常有讚無彈啦~ 而我呢次體驗, 只可以係用文字處理, 其實, 唔知, 如果講人地衰得唔得既呢? 會唔會俾人Ban架?
