說到傳統糖水 新年必吃爸爸煮的紅豆沙， 一年只得一次機會錯過咗就要明年請早! 仲有花膠燉鮮奶都係爸爸撚手之作， 陀亞肥仲有生完亞肥都係有賴爸爸燉比我補下 ! 至於，薏米白果腐竹糖水應深得女仕同媽媽們的愛戴! 食左皮膚會好嘛! 薏米又能去水腫，白果又能滋陰養顏抗衰老， 假期老公突然叫我煲，仲講明話要煲到爛晒要見唔到一片片腐竹，好似飲豆漿咁! 煲完仲要雪凍，老公又真係食左好多，我就覺得熱食好味D 豆味濃D! 而家就教大家煲喇，煮比媽咪奶奶嫲嫲婆婆食唔洗落糖佢地應該都會覺得夠晒甜喇^^ 材料: 腐竹 兩塊 (浸透) 薏米 約半柸 (浸一小時) 白果 20-30粒 冰糖 兩大湯匙 水 8-10碗 煲好水後，放入已浸一小時的薏米慢火煲30分鐘 白果去殼去衣 去殼 - 用刀背拍白果就會打開，好似開瓜子的取出白果肉，要小心殼介手 去衣 - 燒滾水放入白果滾約5分鐘部份衣已自然浮起，未能脫的用手輕捽就能輕易去衣喇 白果去殼去衣後，可輕拍白果肉至微裂放入與薏米同煮， 30分鐘後，可將已浸透的腐竹對疊數次切成小塊放入煲內煮， 約15分鐘，打開蓋用湯舀攪拌1-2分鐘再煮20分鐘， 煮好後加冰糖至冰糖完全溶便成了! 謝謝支持！ ✿…Contact me …✿ yenchan82@yahoo.com.hk ✿… Main Blog …✿ shemom Prochats ✿… Others …✿ she.com l Beauty Exchange l the ztyle l Weshare Fashion & Beauty l U Beauty l Elle l ESDlife WOW l Fanpage
