今年係亞肥渡過人生第二個暑假， 實情無攻略可言 XDD 不外乎係> 食 > 玩 > 訓 ，加一兩個暑期活動， 其中一項係柔道(亞肥口中嘅"打拳力")， 不過今日先開始第一堂，所以未有相片分享^^ 好多朋友見我成日同亞肥出去玩都以為我係Full Time Mama ， 其實我正職係高級打雜一名，Boss出Trip 就係我放假之時， Annual Leave呢個terms更加幾年無出現過， 趁Boss唔係香港，帶亞肥去玩就係我嘅工作!!!我對呢份工作好熱誠嫁! XDD 每個星期六/日除咗同公公飲茶外， 星期六睇Lego 都係指定節目，亞肥好自然夠鐘就起身仲會催促我煲粥 ( 但我仲好眼訓嫁… T.T) 去主題公園放電應該都列入左暑期活動之一，我地已經連續玩左兩個星期 但我依然係唔知邊度打邊度，都係亞肥帶路嫁 XD 我老咗都放心喇，可以靠佢帶路喇 ^____^ 每次嚟樂園都要睇巡遊， 肥會大大聲叫公仔個名 ((巴斯)) ((Winnie the Pooh))((Woody)) 仲會瘋狂 Say Hello ，公仔一擰過嚟 肥：佢真係聽到我叫佢，仲同我 Hello，好攪笑呀! 肥：媽咪！米奇聽唔到，你幫我再叫大聲 D 吖！！ (為咗個仔，再低能 D 賣力D 都要 =.= ) 小朋友中冰毒(Frozen) 呢嫁野，一掂咗仲毒過LC 一入樂園就聽到樂團演奏Frozen主題曲 亞肥就企定定欣賞 有段時期亞肥係會帶晒手套﹑髮夾，抱披，一邊唱一邊扮Elsa??Anna?? ( sorry,我仲未識分) 連續去咗幾次都拎唔到Frozen Show嘅入場証>.< 好轉場，玩其他! 聽說園開前就要排隊, Walkin更加要企定定排2-4個鐘 亞肥一直對樂園噴水機械人好有興趣，去之前已經叫我帶定衫比佢換 今次我有準備到喇，事關有朋友話玩水緊係細個時玩喇, 唔通到我地呢個年紀先玩呀?! XDD 又講得好似好岩咁! 玩到咁上下又係食野時間，每次都會自備小量食物填肚， 平日除左帶麵包仲會帶燒賣腸仔，今次就整咗幾隻雞搥 ^^ (好似有點兒D過份) Summer Holiday 又怎少得去沙灘放電 (其實係放我地兩公婆Ｄ電先真） 去到西貢坐小艇到一個叫橋咀島的小島， 呢個島不太適宜游水，水是靚的，但係水底下滿是尖石﹑蠔殼 唔小心用錯力踏住D尖石好容易流血，唔知係水流定問題定係年四季都係咁?! 仲有玩完想沖身，對唔住!!! >> 得咸水沖咋!! 眼見耳聽當日 好多泳客都沖沖下……哎呀!!! 咸水嚟嘅! 唔怪得對眼咁澀! 我地仲去咗另一個沙灘 – 淺水灣 一向都評價較好的，沙都幼D 仲見到有泳客執到一大袋螺! 另外，肚餓起上黎都有好幾間食檔又有24小時便利店同薄餅店 順帶一提各位出門前記得查詢一下自己想去的泳灘有無掛紅旗喇! 平日甚少食街外食物， 上星期遲左食Lunch 餓起上黎肥爸買件蔥油餅邊行邊食， 肥肥覺得周街食野好得意，爆肚一句: 媽咪: 我而家好似杜如風去旅行咁周街食嘢! 海南雞飯係亞肥至愛，即使去到西餐廳都係會問: 呢度有無海南雞飯?! 我一直在亞肥食方面都沒太大煩腦，甚本上除有饀腸粉外，肥肥對大部份食物都會通通吃下! 暑假差不多到一半喇， 嚟緊會帶亞肥睇音樂劇 你地又會帶小朋友去咗邊度玩呢?! 謝謝支持！ ✿…Contact me …✿ yenchan82@yahoo.com.hk ✿… Main Blog …✿ shemom Prochats ✿… Others …✿ she.com l Beauty Exchange l the ztyle l Fashion & Beauty SaladBlog l U Beauty l Elle l ESDlife WOW l Fanpage
