假期跟肥公公飲下午茶，肥公公跟肥肥力推豬腸粉， 誰不知平日對牛肉腸，蝦腸，义燒腸耍手擰頭嘅肥肥， 竟然甚為欣賞公公大推的豬腸粉!! 每個星期六日亞肥都會指定煲西施骨粥做早餐， 見肥肥食豬腸粉食得咁開心，趁住假期自己動手再整給肥肥食，仲可以送下粥 ^^ 做亞媽可能係咁架，見仔女鍾意食咩就煮咩，仲要日日煮 :P 令我諗起奶奶，有段時間奶奶見我食完飯就食個橙，跟住成個雪櫃有成2X幾個橙 XDDD 總之，奶奶見我地個期鐘意食咩，屋企都會有大量現貨!!! (而家我明點解喇 ) 由於奶奶拜神時都會整下糕點湯丸，所以粉漿材料都唔洗專登去買，屋企長期有貨 。 至於想自已係屋企整豬腸粉的朋友，就要預先準備以下: 材 料: 水 500ml 清雞湯 100ml (或改以 50ml 水 + 半茶匙雞粉) 油 幾滴仔 粘米粉 150g 澄麵 約兩湯匙 生粉 約兩湯匙 做法好簡單， 就係好似亞肥咁講 >> 好似整啫喱咁撈撈下! 然後，用粉篩篩一兩次，就可以準備拎去蒸 ～掃薄油於蒸盤上 ～每次倒入適量粉漿於蒸盤 (不宜太多粉漿否則捲起時會裂) ～隔水蒸3分鐘 蒸好後，以刮刀分割好，然後才慢慢捲起較為方便 呢個就係昨日嘅早餐喇 ! 肥肥對自己有份整嘅食物會食好多嫁! 晚上用來蒸排骨亦得，下次加D蝦米煎XO醬腸粉先， yummy !! 謝謝支持！ ✿…Contact me …✿ yenchan82@yahoo.com.hk ✿… Main Blog …✿ shemom Prochats ✿… Others …✿ she.com l Beauty Exchange l the ztyle l Fashion & Beauty SaladBlog l U Beauty l Elle l ESDlife WOW l Fanpage
