一直以來對烘焙都有濃厚興趣， 但後天不足，往往烘焙出來的最終得益者是 —— (((( 垃圾筒 )))) 眼看人家跟著食譜都是成功的, 細老更是製作麵包/蛋糕/曲奇的天才!! 至於我呢….99.9999% 跟著食譜都是"半失敗"的! "麵粉殺手" 的稱號，我當之無愧( 無奈……) 而今次我係接受家姐嘅挑戰，來一個絕地反擊!!! 向高難度挑戰!! (係我本人覺得好難…..) 呢篇Blog有幸出街係要多謝家姐笑中鼓勵，同埋幻想肥肥見到一定會好開心呀!!! 盞盞!!!! (((( 蘋果包 )))) 面世喇!!! 材料: 高筋麵粉 240g 低筋麵粉 40g 室溫水 130ml 全蛋(打散) 半隻 無鹽牛油(溶液) 20g 砂 糖 30g 奶 粉 5g 海 鹽 10g 酵 母 5g 將所有材料倒進盛器， 最後才下酵母，酵母不可直接碰到鹽，要在麵粉上篤幾個窿才放進酵母 ( 其實我唔係好明嫁，都會兜埋一齊實會掂到鹽嫁喇?!….只可以講句:整麵包我識條包咩!) 所有材料搓勻，由糊狀搓至不太黏手，拉開時帶點彈性像薄餅似的 (大約搓了15分鐘) 然後可以進行發酵程序(我通常到做到呢度就出事…..係發唔起!!!) 蓋上保鮮紙後再蓋上煲蓋(哈哈!自創的!很白痴的一環, 心靈上覺得會發得好D)， 跟住……可以去食個早餐!! 麵糰要在室溫下發酵至少1小時15分鐘。 第一次發酵完成後， 將麵糰分開兩糰，然後按壓數下排氣，再略搓，置於盛器進行第二次發酵 待發酵至兩倍大便可以加入餡料^^ ( 這次發酵成功喇!!!!!) 本來無諗住放餡，我怕唔成功又會益左個垃圾筒 諗諗下如果挑戰成功無餡又會好Dry， 於是見雪櫃有火腿就是但喇，又放咗D芝士 (真係好求其 XDD ) 加入餡料後搓圓，然後插上百力支，南瓜子沾小小水就可以沾住麵糰 造型完成後，舖上保鮮紙攤放大約15分鐘便可以開始焗喇! 真係好可愛!!! 個刻唔想拎去焗…..出自我手筆怕焗完變左榴槤 用250度預熱焗爐15分鐘， 入爐前輕掃上薄薄蛋液，用200度焗10分鐘, 轉150度焗8分鐘 這次我用了一個早上來完成! 製作過程好緊張， 見到完成品，真係為自己而感動呢!!! 因為係熟嫁!!!食得落口嫁!!! 仲要好鬆軟!!! 謝謝收看!!! (開心跳舞Mode) 希望日後再同大家分享其他麵包造型喇!!!! ✿…Contact me …✿ yenchan82@yahoo.com.hk ✿… Main Blog …✿ shemom Prochats ✿… Others …✿ she.com l Beauty Exchange l the ztyle l Fashion & Beauty SaladBlog l U Beauty l Elle l ESDlife WOW l Fanpage
