以前放假就訓到11, 12點， 訓醒就諗去邊度Shopping﹑ 去剪髮好吖定係去揼骨，抑或去睇戲?! 而家有時未到九點就比仔紥…..真係有咁耐風流就…..有咁耐折磨我 講番剛剛嘅假期比仔紥完後， 住係老遠嘅姨媽媽即慶就話帶亞肥同我去《錦田鄉村俱樂部》 當日天氣勁好，又有風，又無蚊，放仔去玩就最好喇! 我地由九龍灣搭車去元朗近元朗廣場再轉乘的士(車費約HK$50)就到左喇! 未入去肥肥已經好開心，因為我地去嘅時候話帶佢睇烏龜﹑羊咩咩，餵白兔 行大約5分鐘左右已經見到烏龜池 (其實唔知有咩好睇…..因為我怕龜XD) 個欄杆Set得比較低，你推我撞嘅話….便會"被推到水裏去" 跟住再行入去就見到羊咩咩……一隻!!! 肥肥又想餵草比羊咩咩食，又要驚，要我攬實之餘又要我保持一定距離 佢話驚咬到我手=.= 跟住行過隔離就有數十隻兔仔， 旁邊有兔仔糧賣，椰菜一包HK$10約有二十小片 肥肥見到D白兔話佢地好得意 起初都有D驚，但慢慢愈行愈埋仲大憺左自己餵菜比D兔仔食 行到咁上下比肥肥見到D勁嘢 !!! >>>>> 兒童電動電單車<<<< (HK$30/10分鐘<<算是良心價!!) 開心得佢個樣，日望夜望都係想揸電單車Chock Chock下，終於比亞肥恨到喇! 肥肥個"魚腸"有架"勁嘢"，所以佢一直都勁黐魚腸 (好現實嫁) 肥肥試過無端端同我講 肥肥: 媽媽! 我: 咩事? (實有D野叫得咁好聽兼扮Q) 肥肥: 熙熙讀多D書，你第時買架電單車我chock chock下。 我: 邊個話讀多D書有電單車揸嫁？ 肥肥：魚腸咯！魚腸話讀到有十多就有電單車！ 唔知佢玩嘅時候會唔會以為自己已經讀夠十多書呢??!! 我諗起劉德華天若有情……肥Dee 型無? 原諒話也不講半句 此刻生命在凝聚 過去你曾尋過 每段失去了的聲音 落日遠去 人祈望 留住青春的一剎 風雨思念 置身夢裡總會有唏噓 電單車埸旁邊仲有個"有機粟米"場!!!生食?! 聽到其他遊客話好甜，無記錯係HK$20/支 有D遊客話之前係種士多啤梨嫁! 玩完D刺激嘢，就係草地到休息下，等肥肥放晒D能量，就少D扭計(呵呵!!) 多謝姨媽媽百忙之中準備晒所有野餐嘅用品同帶我地黎呀!呢度勁舒服! 亞肥絕對唔會放過大好機會食零食 草地入面有個勁大充氣跳跳床，好似係要收費?! 休息過後嚟到撈金魚(HK$25/6支紙網) 肥肥之前去過台灣玩過，一見到成盤金魚就超開心 但係今次唔係用網，佢一擰起就穿咗 XDDDD 就同我講: 好驚呀, 整爛左!怕姨姨鬧! 之後好醒咁問我拎個盤 XDDD 好彩即使撈唔到都可以帶兩條金魚走^^ 《錦田鄉村俱樂部》真係好適合一家大細去，而且係"免入場費"!!! 入面仲有BBQ場，環境企理，收費合理，即慶B一B都得! 肥肥嘅親子遊又多一個熱點! 有機會見到大家就Say個Hi喇^^ 想與Yena 聯絡: yenchan82@yahoo.com.hk Fan Page : 奶媽Yena
