最喜歡試新野，平野，今日又入手一試平民價面膜，入手價$26.9 X 5pc，無聊閒逛中相遇，WOW...心動，平過一餐晏仔嘅價錢 揀佢係因為有"抗氧化"功效，呢3個字真係好緊要，都市人每日因壓力/飲食唔健康/日曬/環境污染而影響皮膚質素加速衰老，要皮膚健康延緩衰老，抵禦過多嘅自由基，抗氧化相當重要 今次試呢隻係韓國品牌"Naisture (天然集)維他命C美白面膜" 點擊圖片放大 精華唔多，唔會有滴漏 面膜質地較厚重，但剪裁好好，眼/鼻/咀size都啱啱好 至於味道就唔太討好 就咁樣好似面罩，去打劫都得 15min後 精華約4分鐘左右吸收哂，用後無太大驚喜，皮膚泛紅地方不變 但見到潤澤感，保濕力唔弱，見到皮膚有少少柔白，即時飽滿而有光澤，至於舒緩暫時未見 第2朝起身， 發揮咗活膚功效，皮膚摸上手有彈性同嫩滑，有返生氣，額頭呢個乾旱重災區於瞓醒後明顯飲飽水一樣 整體感覺OK~會再回購，牌子面膜仲有 茶樹舒緩收毛孔面膜/骨膠原保濕防皺精華面膜/紅酒多酚抗氧化保濕面膜，本身諗住入埋"茶樹舒緩收毛孔面膜"一試，不過無貨!!! 呢款面膜有佢由於有去角質功效，怕皮膚受唔住，所以我一星期只用一次或急救用 其實抗氧化由體內發揮功效係最好，亦預防疾病，所以多食抗氧化食物，可以維持身體健康之餘皮膚跟住靚靚~
