最近適逄轉季時分,皮膚變得唔穩定,面紅紅又"粗鞋",勤加照顧都搞唔掂 而家面霜都快用完,研究咗好耐,心思思諗緊揀邊隻好呢?最後我終於入手喇 Garnier 水潤凝萃溫和倍護保濕霜 一早已留意,但礙於我唔算敏感肌,之前又係冬天怕保濕力唔夠,所以一直唔入住,今次"的起心肝"試一試,反正價錢大眾,正適合我"經濟"嘅原則 同時又適合轉季同敏感肌用,唔怕會敏感,如果試過"實用",我又可以有多個經濟新選擇都唔錯 面霜質地--霜狀同乳液之間比較稀,延伸性頗高,少少就可以推得好開 推開後形成一層油面 加以按摩,面霜吸收後變得清爽,無油笠感,清爽度好高,好似有層薄膜包住塊面咁 香味方面我覺得略為濃咗D,仲好似西瓜糖味 搽完滋潤感唔算好高,感覺"好輕盈" 第一晚用完,起身時只有少少出油,摸上手仍然好似一層薄膜咁包住皮膚,柔軟度 都有增加 保濕力尚算OK~用嘅時間裡面都無 出現脫皮,而且發覺柔滑度提升唔少,皮膚仲白咗添 因之前不幸皮膚敏感所以停用咗美白,只用保濕精華+ Garnier 諗住保水用,但估唔到用後塊面依然保持亮白,係意料唔到 呢款面霜"經濟又實用",真係好適合轉季或出現敏感時用,護膚品新伙伴又多一名LU