不知不覺又到9月份!其實係我嘅生日月! 忽發奇想,想去澳門行吓。 畢竟對上1次去澳門已經係3年前,聽見有好多新酒店落成,自然好想再去行下。 生日月份乘搭金光飛航頭等艙來回只需要$438、普通艙$238。 難得生日,豪1次俾自己啦! 整個過程都好舒適,有WIFI上網、亦有1份簡單3文治及自選飲品供應! 點擊圖片放大 +2 落船後、完成入境檢查就立即乘搭酒店免費穿梭巴士到酒店。 今次我選擇嘅係銀河集團旗下「百老匯酒店」。 酒店位於GALAXY外圍,有天橋從1樓直達GALAXY內圍。 房間選擇大床房,洗手間有企缸及浴缸。 早前已經買定泡泡彈準備啦! 景觀向河畔方向,光線充足。 不過當日比較天陰,所以有少少擔心落雨。 放低行李後,隨即去第1個心水景點:黑沙水庫郊野公園。 位於黑沙路環馬路,沿途其實有啲似入淺水灣嘅感覺。 由於我係CALL UBER,所以都唔知有咩路線直入! 到達時,陽光非常猛烈。可以俾個藉口自己行下山出下汗! 1路行上頂,見到有個兒童專用滑草場,身高必須145cm以下。 可惜我高咗8cm,所以無得玩。 終於去到我想去嘅吊橋,因為完全感覺安全舒服。 橋下亦有簡單嘅親子踏船,親子樂1流! 返到路環中心,經過安德魯蛋撻餅店,當然要買半打MOP$50葡撻返酒店。 點擊圖片放大 返到後等到差唔多4點,開始出發到位於GALAXY範圍嘅「天浪淘園」! 當中梗係有嘗試下「空中激流」及衝浪池啦! 怕水嘅我,因為部份水深唔算太高,都可以接受。 點擊圖片放大 +3 空中激流部分,我成日都有自轉,所以都比較暈暈地! 但係都有「被淋水」嘅部分。玩完好難唔濕。 玩到5點幾就返酒店房沖 涼換衫出街食飯。 上次晚餐我去大牌檔,今次揀咗船屋餐廳。 傳說中係唔訂位無得食,好彩今次去到有人NO SHOW,所以WALK IN成功! 聽從侍應推介,分別揀咗:葡式海鮮燴飯、炭鱸魚扒、葡國雞、蒜汁葡式炒蜆。 點擊圖片放大 +2 1個字:正! 蒜汁當湯飲、鱸魚夠炭夠嫩、葡國雞汁濃、燴飯好夠飽! 食完飯,等咗20分鐘乘坐26號巴士到觀光塔欣賞第28屆煙花比賽匯演。 第1晚有泰國及葡萄牙,可惜等車太耐而MISS咗泰國。 觀光塔下有空地讓市民及遊客觀賞! 煙花震憾性係不能形容,只可以用「精彩」2字概括。 睇完返酒店休息,翌日早上CHECK OUT返香港!