女人無論著高跟鞋、平底鞋、涼鞋、拖鞋，都會想著得好睇！ 大家有無試過被「死皮」困擾呢？例如：腳趾公有厚繭、腳踭皮膚特別黃、腳有異味等等。 其實都係「死皮」作怪！特別係重要日子唔想俾人見到。 我曾經用過「電動去硬皮機」、人手磨腳皮等等方法，感覺好壞參半。 最近嘗試用「腳MASK」，即係去死皮足膜。 來自日本嘅BABYFOOT嫩白煥膚足膜，蘊含有機果酸、添加17種天然植物護膚成份及蘋果茱利清香，去角質同時補濕、滋養、鎮靜、舒爽功效。 另外足膜有專利3D剪裁，可以防止滲漏、配合附送膠貼更能固定足膜！ 60分鐘護膚時間亦可以自由家中行走！ 我用嘅SIZE係中碼，適腳形43碼以下人士使用。 雖然產品有附送膠貼，不過我自己都用襪套住著拖鞋，有雙重保障。 整個過程感覺雙腳有酸溜溜感覺、無任何唔舒服，我仍然可以行走自如， 60分鐘後除下足膜，用清水清洗。 沖洗1刻有股涼浸浸感覺，完成後用紙巾抹好腳板。 感覺佢係有少少「皮肉分離」、唔會有任何麻煩事，可以照常涼鞋等出街！ 不過2日後，就唔係咁玩法啦！ 初時見到腳趾公等經常磨擦位置開始甩皮，慢慢就.... 災難嚟啦！ 甩下甩下愈大塊死皮、訓覺時候感覺好多皮要「脫」啦！ 結果近排每晚臨訓都有個習慣：搣死皮！ 完全唔夠膽著涼鞋、拖鞋等等.... 經過1個半星期後，情況開始穩定啦！ 無咁大塊，可以見到有光澤嘅皮膚。 雖然到而家都未「脫」哂，不過有好明顯嘅進步！ 整個療程大概2-3星期左右。 腳趾公同腳踭等重災區，未必可以1次過清除厚繭。 我相信勤力打理就可以啦！ 個人建議：2個月用1次左右！如果有遊船河、去沙灘等地方，記緊計時間先敷！ 否則.... 產品由Far East Imports Ltd.提供 銷售點：香港、澳門屈臣氏及屈臣氏電子商台獨家發售 睇完之後，去我PAGE俾個LIKE支持我呀！
