回顧集數：（一）他與她 （二）曖昧 （三）她說 （四）情人知己 自從真心剖白後，他們的關係大躍進！ 甜言蜜語、明串暗串不在話下，他很痛鍚她、她經常向他撒嬌。 他到台南及日本旅行時，曾經到月老廟求籤及求取平安符、打算將刻有她名字的平安符送給她。 籤文：「面對愛情不能有太多不實際的想像，要腳踏實地的經營才是。」 不知道是否命運的安排，在日本JR上遺失了。 不過所有小食、微熱山丘、絕版球衣竟然圓好無缺。 他傳送一張照片給她。 他在草原上躺著，將一個美麗的「咸蛋黃」拍下來，天空多麼大。 他答應：「下次一齊去呀，有個地方我好想帶你去。」 整個過程中，他不斷問自己是否鍾意她，答案呼之欲出。 不過他不會與她現任作出競爭，亦不會做第三者。 他說：「做人唔可以過自己底線，所以KEEP番之前關係。」 當他回到香港，她亦到新居相聚。他竟然向她撒嬌，用盡全力抱緊她。 他說：「你係咪好想知點解我到最後都無將妳帶走，將妳永遠留喺我身邊？」 他沒有即時說出真相，反而待她回家後分曉： 「其實你當日講咗句唔會生女，因為女女會同你爭老公，可以我愛一個會全心一齊照顧下一代嘅伴侶， 唔要醋酲。你台灣野食過左期，不過而家本地啱啱開左店有得買。」 「最後我無返家鄉，我只係唔想再介入你的生活，我真心諗今日我搞人女友，他朝一日人地搞我老婆，有報應的。 將心比心，話我蠢，婆媽都好，最緊要唔好傷害身邊任何一個愛你嘅人，被背叛感覺，一世都會記得。」 「我始終唔適合拍拖戀愛，我鍾意自己一個，下個月真係走，未知幾時返，不過唔會耐。不過今次XXXXXXXX唔再長開。」 為何他會這麼感慨？皆因他的前前度是一腳踏兩船，寧願走到奸夫家中相好，亦不願跟他交配，長達數年。 直至他發現的時候，已經太遲了。 「TIMING上，我哋永遠都差得太多，你心入面已經無我，所以我地可以變番無機心嘅雙方，幾好呢？我一直都無諗過我會有人 鍾意，仲要係身邊好友。你當日無SEND嗰個鍾意我既MESSAGE我都唔會醒，我果一刻先知我鍾意你，我多希望你無同我表白過。 我就唔會對你動心，不過如果我不幸拍拖，你啲嘢都要拎走。所有嘢在心中，物件離開咗，但有啲嘢永遠喺心入面。」 「你真係一個值得我真心去愛嘅女仔，真心想鍚到你燶，不過我要走。」 走？去哪？工作假期期限終於到了。 「我每去一個LOCATION都想POST一張POSTCARD比你，我相信拍拖我唔會識珍惜你，相反唔一齊我更加愛惜。」 「我份人，我最知自己性格。對外人我好NICE，對自己人我好差。」 「但我想帶你行教堂（哭著笑）。」 他們總是TIMING錯過了大家，她拍拖他單身。就算雙方單身，她用盡全力想感動他，不坦誠便錯過了。 他卻因她一句「我一直都鍾意你」而醒覺身邊的總是不離不棄照顧他關心他，全因「愛」。 她已經有條件相當好的伴侶在身邊，他不想做魔鬼搶走她。 問心，他真的想她離開嗎？十萬個不想，只因籤文叮囑：「愛情是要腳踏實地的經營才是。」 他相信數年後她會回到他身邊，能夠帶她到教堂，履行婚姻的承諾。 幾個月，他因為「執屋」問題與她大吵一場，甚至斷絕關係。 聖誕節時，她說要到他家「執屋」。 他居然說一句：「唔係好方便，屋企有女人。」 她非常失落！她想像她與他相處過的地方，被其他女人侵佔、不知道她的物件會不會讓「狐狸精」用到！ 曾經深夜聽著歌、流著眼淚向他發出信息： 「原來你真係住咗喺我心入面，我想趕你走都趕唔到。」 他狠狠地回覆一句： 「SORRY，我真係無鍾意過你，只係對你表現基本GENTLEMAN禮貌，我唔知點解會有錯覺比到你，我向你道歉。」 （下集預告：大吵過後，他們會一直斷絕來往？還是關係能夠再進一步？） 睇完之後，去我PAGE俾個LIKE支持我呀！
