男女朋友之間搣下大家面珠好正常。搣完男朋友面珠有面油喺手指好正常呀! 不過有無試過因為面上粉底厚、太著跡,令到男朋友搣完自己面珠後投訴甩粉? 女朋友: 「我D粉底俾你整甩哂啦!」 「我個妝花哂啦!」 「唔好咁大力啦!甩粉啦!」 「再係咁唔俾你搣GA!」 男朋友: 「成手粉呀!」 「可唔可以唔好化咁厚呀?」 「不如你唔好化啦!」 男朋友好鬼鍾意搣我面珠因為夠肥嘟嘟,亦正正因為之前D粉底問題投訴過無數次….. 所謂高清粉底?係呀!影相好正好上鏡好靚囉! 弊在唔夠薄呢!同埋都幾易出油GA… 你有SPF15 PA+++,我體諒你饒恕你忍你….. 正好YSL出左新既粉底液,以輕得似羽毛咁輕、玩透薄到不著痕跡、以墨水為結構喎!墨水筆就聽過啫,墨水粉底未試過既。試下囉! 喺專櫃既BA姐姐用YSL粉底掃打圈上面,BUT甩左毛無數條毛….. 佢都話可以用手上面會緊貼D,不過我用慣左粉底掃…. 不過夠透薄兼遮瑕度唔錯既,都係SPF18 PA+++喎! 令我願意花費$550大元帶佢返屋企長駐! 噚日出街同男朋友慶祝紀念日,咁就試1試啦! 我用番REAL TECHNIQUES粉底掃上面,佢真係薄到我以為支掃食哂D粉底。 原來佢真係薄到上左面我都唔知,感覺係完全FEEL到支掃質感咁薄! 上左1層已經感覺比用開既「所謂高清粉底」薄好多,兼清爽! 因為面上既疤痕都比較耐,所以我都選擇要再用NARS遮瑕液再做遮瑕部份! 差D唔記得同大家講,呢支粉底液上埋眼底都唔錯,因為夠薄兼遮到少少黑眼圈,打個底都唔錯既! 上埋BB LABORATORIES營養密粉,夠哂透薄啦! 我不嬲都鍾意喺太陽光充足之下影左自拍照。 明顯見到之前就算用埋營養蜜粉都好,唔夠薄就唔夠薄啦! 仲要唔夠透氣,真係面具上面,唔掂得…. 上鏡梗係夠「高清」啦! 用完無重粉底後,塊面透得咁既,仲反應到呢排皮膚靚左…. 最緊要係舒服啫!有D自信囉! 當晚我扮鬼臉俾男朋友睇。 男朋友問: 「塊面搞咩黎呀!」 「你無搽野咩?」 「你有化妝GA喎!」 我話: 「好搣呢?」 「用左你嫌我敗家唔儲錢個支粉底呀!」 「仲話唔話我亂駛錢買粉底扮靚呀?」 就係咁:男朋友被臣服左我呢支「無重粉底」!YEAH! 出油情況唔嚴重,就算食完芝士火鍋都唔會油光滿面得太緊要! 不足以令我拎張紙巾印下佢,因為有少少油光都令自己精神…. 同之前好快出油焗住哂既「高清粉底」相比,當然後者未能做到呢種效果兼快出油! 下次可以試下同男朋友出戶外影相,睇下感覺如何先! 鍾意呢篇文章嗎?請俾LIKE支持我呀! :-P