由細到大，身邊都有好多雖然住公屋，不過屋企非常有米既同學仔！ FORM ONE時候諗住終於有部屬於自己既手提電話拎返學有得威下.... SONY ERICSSON T100 點知身邊既同學已經係SONY ERICSSON最新款..... 誰不知我媽又因為壞左部電話，結果讓左俾佢用。出街做PROJECT先俾我用囉！ 直至FORM THREE，當我拎緊呀哥換機留低既曾經潮流指標NOKIA 3310既時候... 身邊人已經可以自拍囉.... 我永遠總係落後既1群，用係用2手電話。 返學想成日換袋？得！平平地行嘉城廣場總有$200樓下既袋既... 不過身邊同學係PLAYBOY、PATRICK COX、AGNES.B咋嗎！ 升上大學後，開始想扮下靚。加上屋企人加左零用錢俾我，結果就開始轉變啦！ 配CON、買直髮夾整頭返學、喪YAHOO BID衫等等反叛既改變。 男朋友當時已經開始買第1代iPhone 2G，我只係拎住NOKIA 6280。都係落後的1群！ 影相都係拎佢部電話，唔想拎出黎失禮佢.... 由中學到大學初期都係借呀哥部數碼相機出街影相，俾人話我部機大牛龜仲影到GA咩.... 自尊心好重既我，真係被激發起：我要儲錢買好野！ 直至由2008年能夠有第1筆錢添置第1部PANASONIC數碼相機開始，立定決心自己真係要長大唔好再靠屋企錢去買自己既野。結果？做馬會PART TIME喪加班！ 有得做就做、賺就賺、考試都無咁勤力，為咩？賺錢改變生活，同其他朋友生活水平睇齊！ 直至2010年真正用自己錢擁有第1部iPhone，我就知道自己無可能用其他BRAND既電話。不過我會盡自己最大努力去令自己生活過得好，有能力就玩下追新款啦！哈哈﹏ 由4、5S、到6 PLUS都係5年了！呢5年黎身邊轉變得太快，由毛孩變成光滑女人、入左社會大學2年幾、生活消費方面開始提高質素，到而家房間所有佈置都靠自己1分1毫賺黎換取的。 我唔夠膽講我完全無依賴屋企（因借LOAN讀書要還錢無俾家用），不過只係要做個生活得有尊嚴、有位置、能夠養活自己既公屋妹！ 將來？好想真係有個完全屬於自己既小天地！ 養番最愛既都柏文BB！（因為同上任男友分開左無得見番第1隻BB） 海棠春睡！
