香港人經常話香港本土文化逐漸消失，「老店」、「80年代」、「懷舊」等等字眼經常喺老一輩人家口中經常提及。 如果俾個機會你，你願意花1個鐘時間去1間咖啡小店、嘆住由80後香港人烘焙既咖啡、懷緬1下由80後香港人為左保存「香港本土味道」而帶來80年代的人與物嗎？ URBAN COFFEE ROASTER：由幾位80後香港人組成！80後既OWNER去左香港不同角落搜尋各種充滿「香港味」既物件，包括：黑膠唱片、牌匾、公仔、擺設等等。另外有港產烘焙咖啡及咖啡豆。大家有無諗過「荔園企鵝」、「大丸百貨」、「舊式戲院坐椅」能夠重現眼前？ 店舖主打係2位80後男士為客人沖調自家烘焙既咖啡，我點左1杯MOCHA。 飲慣連鎖咖啡店咖啡既我，初初飲落口覺得苦澀但有層次，係另一番味道。正如當初喺威尼斯唔識飲正宗ESPRESSO既初哥1樣，不過我都落左少少方粒BROWN SUGAR。初初大家會覺得咖啡點解同STARBUCKS、PACIFIC COFFEE COMPANY會有大大不同，但你細心諗下所有環境佈置，就會覺得非常合襯。 主人家整埋ALL DAY BREAKFAST俾我慢慢感受，驚喜係用上刻用店名既木板去奉上食物、木餐具去享用食物。感覺非常新鮮及隨意，輕輕鬆鬆嘆一嘆！ 整個店舖帶俾我好多體會！80年代開始大家過得非常艱辛、不斷努力為將來後代帶來更好生活，直至年代尾段大家都苦盡甘來。亦因為大家為左經濟、金錢、利益而忽略所有香港本土味道。我能夠搵番好多兒時回憶，包括82年媽媽結婚使用既紅色嫁女行李箱、哪吒封面既彈珠棋盤、打字機、紙櫈。 點擊圖片放大 紅色嫁女行李箱：話說係80年化大妗姐將新娘陪嫁用品放落去作為母親送俾女兒既嫁妝！ 大家最多見到建築物封面既彈珠棋，但有無見過哪吒塊面呢？我最多都係婆婆屋企見過幾次！不過呢副保存得非常完整，不妨玩下！ 1邊嘆咖啡，仲可以聽住我最愛既譚校長及梅姐既黑膠唱片，當日點左「將冰水劈開」及「妖女」！我都係鍾意黑膠唱片版本既矇矓味道，多過數碼化除雜音既清晰。 「黑膠唱片」、「荔園」及「大丸百貨」分別被後起之秀「CD」、「海洋公園」及「SOGO」淘汰取代，可能得番我呢批「前期90後」先懂得咩係珍惜、咩係香港本土味道。URBAN COFFEE ROASTER會定期舉行COFFEE GATHERING同70-80年代電影分享會，詳細可以留意佢地既FACEBOOK。 Address：135 Lai Chi Kok Road, Prince Edward, HK, Kwun Tong, Hong Kong 當然，記得去我既FACEBOOK俾個LIKE。
