上一次惠顧沙田新城市的pokka café grill 都差不多4-5年前啦, 朋友有會員卡, 跟他午餐有discount, 梗係好抵食啦~ 至於一直沒有再去的原因, 是晚市太多人排隊, 等枱時間動輒用上1.5-2小時. 附近的食肆好似唔洗等咁耐喎! 係! 但等, 原來係有原因的, 大家繼續睇下去就知. 先說大部份女仔都鍾意的甜品~ Pillow Toast 系列- Tiramisu 格格多士伴雪糕餅$76 睇過食評，可算是必點的甜品，份量足夠二至三位正常胃口的女仔作飯後甜品. Tiramisu淋上格格多士上，感覺要流下來啊〜 食格格多士時，配上雪糕及tiramisu, 好大滿足~~ 我要用刀叉食, 因太大舊~ 自家製絕味咖啡餅$48 首次吃這類甜品，口感幾得意，似是混入了沙冰去製造的，外形似拿破侖，在口腔內細嚐, 凍餅溶化時感到咖啡的細膩 最憎食野見到d菜黃晒邊，但pokka cafe grill 的料真係新鮮，連appetizer 煙鴨胸野菜春卷 $62 也是用上新鮮蔬菜！用了米紙作春卷皮，不會稔到糊口或涼了變硬，卷入紅、黃椒、煙鴨胸，清新的一道菜 鐵板太平洋蜆 $78 濃濃的牛油香味、每隻蜆的大小均等，肉質實淨，無沙, 新鮮！ 芝士焗西蘭花 $68 這有有點失望啦~ 對所有芝士焗的食物, 我都抱有期望: 1. 濃郁芝士汁, 2. 拉得出芝士絲. 這碟的芝士汁略嫌較稀, 而西蘭花亦焗得太軟 以上的都是前菜/小食, 以下就到主菜啦~ 3個主菜中, 我最喜歡雞肉意大利煎飯(pan-fried risotto) $108 雖名為risotto, 但是用上珍珠米的，飯粒沾滿芝士，10個讚！食完一口就立即要食第二口、第三口....平時食雞扒會走皮的，但這個煎得脆脆，很香口，肉質嫩滑，即使放涼了先食，都好味 紐西蘭草飼羊扒250g $218 食慣7成熟，今次都係！一碟共3件，其中兩件是7成熟，火喉剛好，羊不可能全無羶味，呢個聞落的味比吃起來的強，但其實都是很輕而已；而另一件則全熟了，兩者比較下，當然是7成熟的吸引，不過各有捧場客〜 最貼心是有很多新鮮蔬菜，均衡飲食嘛〜 薯角亦係好味到不得了, 外脆內軟, 絕非乾落咬到 ‘硬骨骨’那種 美國極上肉眼牛扒（grade AAA),300g, $258 跟珍珠米飯、面豉湯 呢一set其實都抵食, 不過我唔食牛的, 無試到, 但order 7成熟的, 都做到了, 由於是鐵板上, 仍有一定熱力, 所以要用筷子及蔬菜隔一隔, 避免overcook. 呢餐除左食得多, 都飲得多~ 從左起: - 膠原旦白士多啤梨乳酸 $58 賣相好美, 唔知是甚麼味道啦~ - 新鮮仙人掌汁 $52 上枱時令我有點驚訝, 因實物跟menu的有分別, 杯子不同了~ 仙人掌的味道原來有點似青蘋果, 少許甜味是來自蜜糖的. 仙人掌的營養價值很高, 我需要它幫我調節腸胃~~~ - 熱菊菠蘿香橙茶配檸檬骨膠原 $58睇個搭配以為會好酸, 非也! 好易入口, 越飲越開胃, 骨膠原用開粉後混入的, 作用大唔大就唔清楚, 但壼內是用了新鮮菠蘿切粒的~~~ 好味! 宇治綠茶鮮奶 $45 第一啖先嘗到北海道香滑奶, 再嘗到綠茶的微甘, 個人認為甜了少許, 但對怕澀的食客來說, 應該岩飲. 自己動手做出這杯北海道朱古力熱飲 $45, 唔驚浸得太久導致cream或棉花粒太快溶掉 冰啡, 杯內的6顆冰粒都是咖啡製成的, 不會因冰的溶化而越飲越淡~ 不過呢杯對我這個不太能喝咖啡的來說就太勁了~~~ 依食物的質數、份量、味道及價錢來看, 在沙田區來說的確是很吸引的, 接近100款菜式選擇, 真的很多吧! 所以我睇了 menu良久也拿不定主意, HAHA 歡迎與我聯絡: jannis_tang174@hotmail.com
