在激安(Donki)或藥妝(drugstore)都能買得到零食. 出發前已去759睇過有咩係香港未有得賣, 先至響日本買返黎, 誰知….旅行回來後一星期,香港就有得賣了….anyway, 還是想跟大家分享一下在這旅程中伴著我的美味零食. 我一向都好like芝士的, 響激安見到賣128日元, 包裝又吸引, 於是立即買下跟團友分享. 一打開包裝, 個陣芝士香味正到暈! 濃濃的芝士、放入口即溶既感覺真係難以形容的好味! 外層微脆及微燶而內裏軟滑, 真係哩….讓人食不停口! 一盒10粒, 話咁快食晒~ 我們今次是自駕遊, 有這些零食放在車上補給是必需的. 另外亦買了這包糖不甩味軟糖 (88日元) 外層是焦糖, 餡是Q彈的, 好鬼過癮, 團友試過都話正. 單單是以上兩款零食, 已使我們第二日經過藥妝, 即刻掃幾包自己食及帶回香港送給朋友. 天下一品生菓子(600日圓/6粒), 在手信店經試食後而買既. 味道幾得意, 包裝到成條蕃薯咁, 口感真係似食緊薯仔、蕃薯!還做到食真蕃薯時有 ‘一絲絲’ 既效果. 薯條三兄弟(840日元是公價), 去過好多地方睇, 都沒有得平. 聽說只在日本境內出售, 其他地方沒有, 唔知係咪真既呢? Royce Fruit Bar – 士多啤梨、芒果、莓 693日元/10條裝, 響北海道好多地方都有, 而我亦在出發前做過功課, 知道新千歲機場有Royce, 所以即使有車, 都唔抽住啦, 留返響機場買仲方便, 不過如果想寄倉既, 咁就另當別論. 另外仲有10條裝chocolate bar, 不過我都係鍾意莓多D~ 若果想兩款都試勻, Royce真係有一盒10條裝, 每款5條, 但價錢就貴好多, 要1050 日圓! 點計都唔抵架啦, 所以我一定唔會咁買~ 六花亭、北菓樓, 都是大家熟悉的手信店, 朋友極力推介買奶油葡萄夾心餅(即冧酒提子餅), 保鮮期很短, 一般只有一星期. 真係幾好味, 酒味唔太濃, 提子份量夠, 中間餡料有點像乳酪質地, ‘餅皮’屬軟身類, 作為tea time輕小食最好不過. 盒裝的有5條, 580日元; 4條裝的只在小樽鋪有得買, 440日元 另一款是卡布奇諾霜餅, 呢個餅皮是酥皮類, 夠鬆化, 上面灑了些糖, 好味道, 但整體口感沒有提子餅的好, 所以只買了一包 呢款波子棋糖都幾得意, 我地每人將一粒放入口時都分別有唔同既表情, 例如發出'啊?' 、'呀!'、'咦~' 一聲. 點解會咁? 因為呢D係聲稱有酒心的(薄荷酒, 清酒, 橙花酒等等), 薄薄的外層, 放入口一會就會'卜' 一聲, 同埋又expect 唔到咩力度會整爆佢, 所以幾過癮~ LeTao 出名的芝士蛋糕(1575日元, 12cm), 讓人一試難忘! 響小樽店試食後, 發誓一定要響機場買一個與屋企人分享~ 人地既試食係大大舊/大大匙咁’筆’比客人的, 對比起香港….切到碎晒, 就算有興趣想買, 都試唔到真正既味! 栗子蛋糕(1890日圓, 12cm)用料足, 味道夠, 我響店員面前望下個蛋糕咋, 他們都立即切比我試食. 香港個D…應該會用 「唔買就行開啦」既眼神黎望住我啦, 仲會咁主動去切比我試咩~~~ 崇日, 是有原因的 留了彈藥響機場買蛋糕, 點知…..機場個間係無栗子蛋糕的…可惜! 不過我都買左一個Fromage Double(1575日圓) , 買蛋糕時佢會問你幾條問題, 例如: 會否響6小時內食、是否需要乾冰之類, 為左保持新鮮, 響店員建議下, 我用130日元買一包乾冰, 與蛋糕一齊包裹著. 點知……過海關時被沒收乾冰, 個一刻….我想爆粗!!! 我比錢買架, 唔比帶過關, 店員又sell我, 正PK!!! 海關人員解釋, 國內航線係可以帶乾冰, 但國際航線唔可以. OK! 明白了! 各位想買蛋糕回港既sis, 記得唔需要買乾冰. 午後紅茶有tinkerbell呀~~~ 作為佢既fans, 我當然會買返一支啦, 雖然只是一張包著樽身既塑膠紙, 但我真係好鍾意! 在洞爺湖食到男友買給我的窩心雪糕 – HD 期間限定的紫薯雪糕(294日元), 另外仲有蘋果批味、鴛鴦味、南瓜味, 不過我最有興趣係紫薯. 都幾好味呀~ 好蕃薯! 北海道哈蜜瓜雪糕(120日元)就麻麻啦, 太甜! 當然唔少得食下D乳製品啦~ 森永既蘆薈乳酪及雜莓乳酪(各99日元)都好好味; 雖然不是北海道3.6牛奶, 但響日本飲既都係好味, HAHA! 雪印牛奶(120日元)也不錯~ choya梅酒(120日元) 唔少得啦, 細細樽, 岩岩好, 飲完唔會太醉, 不過浸溫泉前後切記飲酒呀!! 歡迎與我聯絡: jannis_tang174@hotmail.com
