今天過得超充實, 見到個海同帆船已經好開心~ 在casa食既早餐是這樣的, 有橙汁仲要包一杯咖啡/茶/美祿. 飯是撈了些細蒜粒, 咸咸地, 有點味道, 食落都OK. 今日天氣相當好, 在塗防晒之餘, 我都帶備了闊闊的帽啊~ 從Station 1既內邊走到外邊既沙灘, 雙腳一踏在幼滑沙面既感覺真係好舒服, 絕非用筆墨能形容! 影完呢張相後, 我即刻除左拖鞋沙灘漫步~ ~ ~ 長灘島之所以命為長灘島, 因為個灘真係好長, 潮退時還露出一大片灘哩. 沿著灘一路行, 看到海藻沖上灘上, 好似好核突, 但係這是天然的美景啊! 今早主要係搵浮潛資料, 基本上一行出沙灘, 已經會有好多人走埋黎sell你. 我地一邊行, 男友就輪流被不同既人sell….我地見php1500包bug car 及sunset sailing, 另外php1700 係浮潛加工具, 所以就應承左. 之後我地就去食午餐. 重臨Ole 西班牙餐廳, 09年與團友幾乎包左半間餐廳, HAHA, 今日到來, Ole依然好多食客. 我地點左seafood jumbo, 肉醬意粉, long island和cosmopolitan 兩杯cocktail. 其實我地有點浪費, 因為seafood jumbo原來有魚, 仲要係兩大塊, 但我同男友都唔食既=.= 呢餐麻麻啦, 可能係叫錯野. 大家反而可試下西班牙傳統飲品sangria 同出名既paella 海鮮飯, 夠6-8人食, 店員會響你面前serve. 另外, 呢幾款係之前食過都唔錯的. 3:30pm, agent從沙灘車我地去bug car(沙灘吉普車)既停車處, D車都幾新淨. 男友負責駕bug car, 我就影相~ 沿路見到有人玩呢D 單人越野沙灘車（ATV）, 好似幾過癮! 坐完bug car後, 我會建議大家玩ATV~ bug car主要係上去大望洋台從高處欣賞長灘島, 大概10分鐘車程, 到達大望洋台, 見到有廢車零件砌成既野, 好搞笑. 上到大望洋台, 仲有天使翼, 扮下天使先, HOHO~ 站在台既中央望向左邊同右邊既景都唔同feel. 但無論向左走向右走, 都係大風得吹到我成個人郁左/企唔穩. 上完山, 到落海啦喎, 地點係station 2~ 大概5PM要上船出海sunset sailing啦, 成個海灘都有呢D色彩縯紛既帆船 我地就係要坐呢D帆船啦, 咁大個女第一次坐. 無遮無擋, 好驚會跌落海呀!!!! 因為坐既位置係船既兩側. 與我地同一條船既係一對夫婦, 因要保持平衡, 我同男友坐響左邊, 佢地就坐右邊. 在船上欣賞日落另有一番樂趣. 去程時因風浪關係, 夫婦那邊狂起水花及插入水…我呢張相其實冒險地影, 因為分分鐘一個大浪花打過黎,部相機就係咁先! 船家話回程就會到我地個邊插水, 我地即刻收埋相機響防水袋、捉穩船桅. 15分鐘既回程, 一邊看著咸旦黃既消逝, 一邊被大浪花沖上身體, 個種感覺真係好複雜. 回到沙灘既一刻, 全身濕透. 雖然雙手浸過咸水, 咁樣掂部相機係會好傷, 但係真係唔想錯過, 唯有用毛巾死抹爛抹淨雙手, 影低呢刻既煙霞. 一路由station 2行返去station 1就有呢個景點, 超多人響呢個位睇日落同影相. 日夜景就是這樣囉~ D’mall係長灘島最旺既地方, 店鋪及食肆都集中響呢度. 我地揀左Titos食晚餐, 環境唔錯哦, 仲坐得好舒服添, 窗邊還有一些擺設. 我地點左創新的Carbonara pizza、雞串燒、魷魚蝦沙律. 飲品方面就係常飲既mojito, 大大塊青檸, 薄荷味就輕左DD. 整體來說, 全部都好好味~ 今日過得很充實, 食完就回酒店休息哩~ 歡迎與我聯絡: jannis_tang174@hotmail.com
