說起來是上年的事情啊~ 2012年12月21日, 我和男友在長灘島過了一個熱辣辣既聖誕~ 早於2009年9月已去過一趟, 當時一行32人, 包括朋友及朋友的朋友, 真係自組旅行團咁呀, 安排酒店及car pick up....永世難忘!! 為何在短期內又再去呢? 因今次係二人行, 可以hea一點, 事前都沒有安排DAY 1, 2, 3 要做D乜, 純粹去到想做乜就做乜~ 另外, 上次去是係風季(10月), 未能盡情欣賞長灘島既美景. 去長灘島...一點也不容易, 足足花了一整天的時間. 由於香港無直飛, 所以選了經克拉克飛過去, 行程大概如下: 0945-1145, 飛機香港往克拉克機場 (Clark) < 只是一個好細既機場, 飛出飛入都係呢度 1930-2030, 飛機克拉克往Kalibo機場(原本係1440-1550, 但航班取消, Airasia比左呢班我地) Kalibo 機場內的一角, 呢個位好多人爭住影相.....等行李既輸送帶就在隔離. 其實響機場有好多agent 拎住牌寫住php250 包van 仔及船到長灘島, 但我地班機太夜啦, 唔想去到先搵或講價, 所以出發前已叫hostel接我地, 由Kalibo開始就有人睇住我地, Php650一位 (包van仔、船及往酒店個程). 2030-2130, van仔從Kalibo到Caticlan Pier <<現在24小時都有船 2130-2200, 船從Caticlan Pier往Boracay Pier (若沒有安排酒店接送, 則需買船飛, 碼頭費 php 50 + 環境保護費php50) 實際船程約20分鐘, 但因要等船, 前前後後用左半個鐘. 我地就係搭呢D船去長灘島, 個個都要穿上救生衣, 每船大概坐30-35人及行李. 2200-2220 Boracay Pier to hostel 好彩叫左酒店黎接我地, 否則又要夜麻麻響度搵van仔及講價.. 給大家說說長灘島既資料, 長灘島既灘係用station 1, 2,3黎分既: station 1較靜, 沙較幼, 水較清 station 2 最旺, 沙相對較粗, 因為所有水上活動都響呢度進行, 但水都係清既 station 3 比station 1旺, 但沙就無咁幼 離碼頭最近的是Station 3, 我地book左響Station 1既La Bella Casa, 會響呢度住兩晚 這是家庭形式經營的小店, 所以不算是酒店. 它本身的名字已經反映左(casa 西班牙文解home, family), 房價每晚HK$417包早餐. 一番折騰, 2230終於安頓好, 去食我地既晚餐.... 呢個時刻. 響station 1只有呢間bamboo有野食, 其實station 2仲有好多鋪未關, 但我地實在太累啦, 兼且好肚餓, 所以就算食的只係中餐都照入. 點了荷葉飯(HK$58.5)、雲吞面(HK$32)、香蕉朱古力shake(HK$20)及芒果shake(HK$18). 環境是美的, 但價錢較貴! 食完就急不及待返casa好好睡一覺~ 大家或者會發現, 我明明話夜晚先去搭van仔及船, 但點解D相係白天既呢? 原因係我2009年時都係由kalibo airport開始一樣既交通, 所以post白天既相, 大家會睇得清楚D~ Day 2 就會上山下海啦, 密切留意哦~
