老闆今日見我著雞翼袖, 露了雙臂出黎就眼甘甘….原來佢話好鍾意我手臂既膚色, 啡啡地好有健康感. 我即時同佢講: 我無晒過呀, 但自然啡到咁, 我唔鍾意囉, 我比較喜歡你既白皮膚~ 世事就是這樣啦! 白晳膚色的就走去晒太陽, 想擁有蜜糖或朱古力色, 像我這樣唔洗晒都啡既就好想可以白D… 為左唔好比佢進一步啡落去, 我真係不能不用防晒品. 最近試了這兩枝株式會社伊勢半出品的sunkiller防晒, 感覺不錯哦~ 金色那支是sunkiller超強效納米防晒乳液, 藍色這支是sunkiller冰涼無印防晒噴霧. 先說這支sunkiller perfect strong plus啊~ 是SPF50+, UVA防禦系數 PA++++, 能高效阻隔紫外線侵害及維持若8小時防晒. 防晒產品最忌成陣難聞氣味、質地厚身及難吸收, 但呢款真係好正, 好淡淡的薄荷味(要落力去索先聞到),超清爽柔滑的質地, 塗上臉後不會變 ‘白臉人’, 因絕無白色痕, 唔會油淋淋, 相反只感到皮膚夠滋潤保濕及有光澤 試上臉是這樣子哦~ $54/30ml, 適用於臉部及全身, 以這價錢就有這個質數, 確實好抵玩呀~ 細細支帶出街補搽都好方便. 第一次用防晒噴霧, 感覺新鮮! 跟上文的乳液一樣, 這支sunkiller UV cut spray沒有難聞味兼質地清爽, 搽後完全唔洗擔心會弄污衣服 (因我平時雙臂會貼實D手袋同衫…) 給大家看看我手臂啦, 這就是我老闆好鍾意既膚色啊~ 噴霧式的確很方便, 最適合於熱辣辣既旅行中使用, 因為哩…雙手唔係隨時隨地都keep 住乾淨, 但塊面係咁流汗, 即使抹左再補上去, 感覺都很重及不整潔, 若果用左呢支噴霧就能免除晒所有煩惱! 錯誤示範 – 離肌膚太近地噴會有成個印及不均勻, 所以噴時要離肌膚10cm哦~ 超貼的防晒, 用左根本睇唔出有塗上防晒, 勁!! 噴霧蘊含尤加利葉萃取保濕成份, 但感覺上乳液較保濕, 因噴霧始終質地輕身. 這支適用於全身及臉, 但我會建議乳液用響臉, 噴霧用響全身. 售價$89/90g 的防晒噴霧與乳液相比...價格略貴哦, 但與其他品牌比較又算是公道. 注意: 噴時不能有太勁的空氣流, 否則風一吹, 防晒噴霧會隨風散, 不能百份百落到肌膚啊~ 若果要用於臉, 要先把噴霧噴在掌心再印上去. 我用乳液來做了防水測試! 防水、防汗, 已是防晒品不可或缺的要求哦 ~ ~ 把乳液塗了在右邊, 10分鐘後以清水去抹, 塗了防晒的一邊仍然有光澤, 即乳液仍在啊~ 但係都睇得出跟剛剛塗抹時有分別的, 所以一定要定時定候補防晒呀.
