呢篇文應該11月尾就要出啦, 因為這是朋友為我慶祝的生日飯哦~~ 11月26日放假, 我帶媽媽去朋友推薦的意大利餐廳食brunch, 是semi-buffet形式的. 位於29/F的 Sorriso有一望無際的海境, 甫坐下已令人心情愉快. 主菜由$138-$188, 只要點一款 main course, 就可任食前菜和頭盤, 選擇也不少啊. 點菜後, 侍應就端上一籃面包, 焗得脆脆的~ 當你食完後, 侍應很主動地問要唔要添d. 主菜黎啦~~~ 我唔係食左好多前菜及甜品咋, 因當日唔算好肚餓. 但媽咪就係咁食, haha, 食到返本呀! * * * * * * * * * * * * * * * * * * * * * * * * * * * * * * * * * * * * 一見到白色小屋+ 藍色天空, 會否令你想到希臘呢? 呢間 ECF 樓上CAFE既裝潢就正正是這樣~ 又是朋友推介下去試的, 唔算十分好食, 但食物真係平的, 一分錢一分貨. 拼盤內的芝士春卷好正. 通粉完全係自己揀要咩款同料的, 幾特別, 但就淋左少少. 之後仲去左想試好耐既甜品工房! 有日行過見到 好多人等位, 所以....飛都無拎就走人, 當晚難得唔多人, 即刻要食呀!!! 我點左左邊個款熱情戀人, 雪糕部份可改選低脂乳酪, 我係乳酪fans, 當然唔會錯過. 但係杯中的粟米片好痴牙. 朋友選的紅豆綠茶與menu相比.....有點出入, 仲以為係用綠茶雪糕, 原來只灑綠茶粉. $48一杯都唔便平, 但都幾特別. 我最鍾意佢食落唔會成個口都凍晒. * * * * * * * * * * * * * * * * * * * * * * * * * * * * * * * * * * * * 最後來到10人飯局, 全都是因旅行而相識的. 好開心識到佢地, 我地仲約左每年都要一齊至少去一次旅行~ ~ ~ 多人關係, 好不容易先約到大部份人, 除左我之外, 仲有兩位11月之星. 地點係佐敦廣場既泰屋, 咁多菜中, 覺得冬蔭公湯、咖喱大蝦及豬頸肉最好味! 芒果柚子沙律亦都係我鍾意既. 當然唔少得生日蛋糕! 係龍島的生日蛋糕, 食過幾款都覺得好味, 我諗都會推介朋友買龍島蛋糕~ 歡迎與我聯絡: jannis_tang174@hotmail.com
