好開心啊!! 11月10日參加了Heroine Make在灣仔新鴻基中心Ramas Oyster Bar & Grill 舉行的華麗聖誔化妝班, 活動上見到好多熟悉的朋友, 包括Starki、Ping Ping. 地方很寬敞, 一入門口就見到Heroine Make既所有產品. 每人的枱上也有一set產品, 全都是新的, 這是Heroine Make 送給每位出席者的禮物, 很大手筆哩~ 此外, 還有卸妝物、棉花棒等用品, 準備得很好. 當中有以下妝物是給大試在場試用的. 膏狀胭脂不是第一次接觸了, 陣間可以試下搽上臉. 而 lip gloss既顏色亦都唔錯. 試了以下妝物響手背, 胭脂色幾自然喎~ 1. 纖長捲曲睫毛液 2. 纖細眼線液 3. 立體細筆持久眼線液 4. Heavy Rotation 胭脂膏 再試卸妝產品! Bifesta卸妝水想買好耐, 因為又平又好用, 估唔到原來都係屬於Heroine Make的. 新產品係粉紅色個盒卸妝棉, exactly係藍色個枝既用途, 不過直接地有埋張棉, 夠方便!! Heroine Make響 eye product方面既防水性一向很強, 因此, 呢枝 Bifesta只能卸除纖細眼線液及 Heavy Rotation 胭脂膏. 咁點卸纖長捲曲睫毛液、立體細筆持久眼線液呢? 用Heroine Make既eye makeup remover!! 真係好堅! 倒落棉再敷10秒, 乜都起晒! 活動正式開始嚕~ 今既活動係教曉我們怎樣用化妝品畫大對眼, 變得更迷人. 先由化妝師 Cac示範自然日妝/ OL返工也很適合的. Model係Gina, 第一次見佢真人, 好高, 樣子也很標緻啊~~ 持久眼線筆有黑及啡兩色, 要自然一點的就選啡色. 1. 由眼皮中間開始向兩側輕輕畫開. 2. 效果很自然 3. 再用纖細眼線液由眼頭畫開到尾, 唔需要一筆畫到尾, 只要畫得靚便可 4. 下眼線也不要忽略, 因為要造少少陰影位, 看來立體一些, 在眼尾1/3位置落筆 5. 再用筆另一邊的刷頭的暈開眼線 印上胭脂膏(不可捽)、搽上睫毛液及lip gloss就搞掂. 看看, 右邊面好sharp哩~ 接著就到 Cherry 出場啦~~ Cac為她化一個晚裝, 換然之, 眼妝會較濃啦~ 整體上跟日妝所用的大概相同, 只是選了黑色持久眼線筆把眼線畫得粗一點. 貼上假睫後再用睫毛液把真假睫毛混合. 右邊既眼大了很多哩 兩位靚model~ 到自己動手了 ~ 大家看看我的before and after啦 我不是畫得太誇張, 所以眼睛放大了一點點 5 小時後是這樣的. 眼線及mascara都沒有甩, 沒有熊貓眼哦~ 唔知點解胭脂比5小時前搽上臉時深色了…..真的很難控制哩 Tips by Cac 化妝班除了以上的內容外, Cac還分享了一些秘訣, 包括畫眼線、用睫毛夾,及貼假睫. 畫眼線時, 最好有些東西(例如枱)傍實隻手, 咁樣會定很多. 若果凌空畫就好易手震. 用睫毛夾也很有技巧! 夾後要向上翹一翹, 或逐少逐少放再向上翹, 咁樣夾出來個弧度先靚及持久. 到了重要一環, 貼假睫. 平時我一定唔會用的, 因為很高難度. 1. 取出假睫後, 要好似食瀨尿蝦咁, 幫佢做熱身, 整到個弧度靚D. 2. 跟住度好所需長度, 剪去多餘的部份. 若果貼近眼頭既話會靚D, 但會較拮眼. 3. 塗膠水貼上真睫毛根部, 用手指按壓一下, 使其自然. 用上假睫, 雙眼真係大好多哦~~~ 大會還提供了食物和飲品, 食物是很好的, 可惜杯Earl Grey.....點解會加左奶....=.=
