好快就到萬聖節了, 昨晚參加了由 Ubeauty x NSI 舉辦的「哈佬喂特色soak off gel」, 過了一個 Happy Friday Night. 這是我第一次加Ubeauty的活動, 也是第一次整soak off gel, 真係好開心啊 ;-) ~ 放工便趕到活動地點, 甫到場大會就準備了西餅及飲品給我們. 枱面上亦放好了工具, 包括cleanser, Endurnace Buffer耐用半月挫180/240 Grit 及照甲機. NSI 的導師先用橙味消毒 spray噴向雙手(手背手心都要), 然後用挫刮花指甲表面, 原因是指甲表面有油份, 一定要刮花先可以令其後上既 base/gel唔會跣走. 上完base後就要照燈, LED機既話, 30秒或120秒便可, 初步完成後, 指甲是’令’面的. 各人做完以上步驟後, NSI 導師 Mei Kong就示範搽甲油. 第一層色唔需要太厚, 否則會好難乾, 每搽完一隻甲都要放入機照一照, 然後再搽第二層做定色, 再放入機照下. 呢部係 LED機, 所以快好多, 若果係 UV機的話就要每隻甲照2分鐘了. 到我們為自己既甲扮靚了. 揀咩色好呢?? 好多選擇呀! 我好鍾意那套黃底 + 南瓜, 但係全都是畫上去的,我一定做唔到, 所以揀左普通黑色同橙色. 好榮幸得到 Mei的幫忙, 幫我畫了蜘蛛網及蜘蛛, 她的畫功真的很勁!! 畫得很仔細. 經過兩個多小時, 我地終於完成了 ‘萬聖節甲’. 大會仲送上一套 NSI的甲油套裝~ 我呢套既甲油係翡翠綠 + 紫、金、白閃粉. 之後可以繼續為指甲扮靚了~ ~ 比大家睇一睇我10隻指甲既 close up先. 除左蜘蛛網同蜘蛛係導師畫上去既, 其他都是用上Nail Sticker, 無法啦, 我真係一定無可能畫得到任何野, 所以貼貼紙最穩陣(都要有技巧架)! 從未試過搽呢色橙色(雖然係偏紅既橙色), 但都幾靚, 若果係南瓜橙就仲靚哩~ 整個過程中, 我認為最尾既步驟 - 用 cleanser 抹甲面係最難的, 因為若果甲面未完全乾就去抹既話, 一定會甩色或整歪/整花個圖案, 這樣功虧一簣就很可憐了.... 另外, 導師提醒我們要用70%酒精既卸甲油去卸, 90%則太高, 會把指甲天然的油份也抹走, 很傷甲哩~ 當晚活動既地點在尖沙咀加連威老道的 How’s Concept Institute of Nail & Eyelash 卓藝國際專業學院, 那兒超多產品, 當然一定有 NSI 的啦~
