去旅行, 個人認為最好既手信就係買D食得既, 因為香港地, 大部份人屋企都偏細, 包括我家, 所以就算旅行時見到靚既擺設, 一諗到家人的狹窄空間, 即時打消購買的念頭. 以下的全都是食得既手信. 這盒 Venchi 朱古力是老闆在意大利買給我的. 他幾乎每次放假都會買手信給我, 有次試過買parma ham~ 真係好好味, 每粒都切開一半與家人分享, 正呀~ 好鍾意咬開入面有餡既朱古力, 感覺很有心思. 連兩歲的姨甥女都說: 好味呀, 好香呀. 這盒, 大家去過日本的都知道係甚麼了, 而且都係出名既手信之一 – 宇治茶之詩小蛋糕. 鍾意佢個餡有紅豆之餘仲有少少奶, 不過偏甜的, 可能要balance返綠茶既味. 一盒12個, 白色或綠色包裝紙的, 都是同一樣的小蛋糕. 來到這盒, 就是我剛從台中買回來給家人的蜂蜜芝士蛋糕, 好好味, 是維格出品的. 我知道台北有其他出名的, 例如李儀、義美等等, 但在台中找不到類似的店鋪. 不過唔緊要, 因為呢盒維格的, 我覺得好好味了. 一盒8件, 要NTD300 (=HK$80). 係貴左D, 但都值得一試. 另外, 仲有一大袋竹炭花生, 響街邊檔買NTD100 (=HK$27), 係媽咪指定要我從台灣買回港的, 炒得香口些仲好味. 難得的是一粒裏有四粒! 好了, 這盒都是鳳梨酥, 係我之前去新加坡出差時買的, Bengawansolo 鳳梨酥都很出名的, 呢盒貴囉, S$18 (即HK$110), 但都幾特別. 收到我手信的朋友也讚好. 講完手信, 就回到香港了. 話說我媽很怕食片皮鴨, 因為唔係間間都做得好, 佢好怕個陣羶味 (羶味是用來形容羊的, 但呢度照用啦), 同埋太多油, 肥淋淋. 但係K11既大都烤鴨, 我之前食過覺得好OK, 所以點都要帶媽咪來試. 當晚點了水晶鴨舌、小籠包、片皮鴨、雜菌浸時蔬及蝦炒飯. 好彩媽都覺得呢間既片皮鴨OK, 唔會令佢反感. 而且都認為片得夠薄, 唔會痴住D肉/肥膏. 呢餐食左$500幾, 都係值得一試既. 某天去到上水有名的甜品鋪Rainbow食野, 我點了自選的 ’黑珍珠+雜果’, 落order前特意問店員雜果是罐頭個隻定新鮮個D, 好彩係新鮮個D, 因為若果$23 都只係得罐頭雜果既話, 我會覺得物價真係高漲了很多! 碗面白色的可選椰汁或花奶. 男友點了芒果冰西. 上面是沙冰, 底下是西米露, 他說味道OK, 但比以前…SIZE細左. 我不喜歡食冰沙的, 在他要求下我食了一啖, UM…..我都係鍾意我個碗多D ~