食人參能補氣血, 使面色紅潤; 把人參加到護膚產品裏又是甚麼一回事呢? 經過接近兩星期使用導入式緊緻系列的人參緊緻潔面乳霜及人參緊緻潔面泡沫, 我感到肌膚是有改善的. 兩款加入了人參精華的產品, 老實說產品沒有人參那種甘味, 而是淡香的. 人參緊緻潔面乳霜 ($85/125g) - 初頭睇個名, 以為係潔面膏, 再睇下說明, 原來係卸妝用途的. 用了以下妝物作測試. 淡粉紅色、滑滑的潔面乳霜就好像潤膚膏的質地, 取適量潔面乳霜在臉上打圈, 便看到與臉上彩妝混和, 亦即是說彩妝正在溶解, 之後就可用清水洗乾淨或紙巾抹, 但我一定用水洗. 以下是建議的按摩圖. 只需一分鐘, 一邊卸妝, 一邊按摩從而達至緊緻提升既效果. 按眼都很得架~~ 潔面乳霜的卸妝能力十分好, 只是有一些防水睫毛液未能完全清除. 而盒上亦寫明若果用了防水睫毛液, 建議用專用卸妝油去清潔. 由於清水過後有點肥肥笠笠既感覺, 一定要配合人參緊緻潔面泡沫一齊使用, 作徹底清潔. 人參緊緻潔面泡沫 ($79/110g) 的賣點是能輕易搓出極上高密度濃厚柔滑潔面泡. 產品加入了高麗人參精華、透明質酸、野玫瑰精華、膠原蛋白及氨基酸. 五個名字都不感到陌生, 透明質酸為肌膚作深層保濕、膠原蛋白及氨基酸能修復受紫外線侵害的肌膚, 使其變得彈性、而人參精華就能調和肌理, 令肌膚變得紅潤有光澤. 好, 試下唔用起泡網, 睇下徒手能否起泡先, 結果是可以的, 但當然用起泡網, 效果會明顯D. 於是用同一份量加起泡網, 不消一會, 很豐厚柔滑的泡泡出來了! 以打圈方式為全臉清潔, 用水清洗過後, 感覺沒有繃繃緊, 而是感到幼滑及滋潤的. 保濕方面, 看看使用前後的分別. 朝早不需卸妝, 直接用潔面泡沫, 一起身就來度度先, 水油份平均~ 用潔面泡沫後, 水份由40.7%升至50.2%. 為了比大家睇睇皮膚既彈性, 拍了以下的照片~ 兩款產品都係著重緊膚及提升的, 我只有測水油份的機仔, 沒有測緊緻度的機仔(其實唔知有無呢樣野), 所以唔能夠以數據話到比大家知有幾彈, 但用後整體感覺良好. 以下兩張相是 before and after. 已經盡了力影得最好, 可惜光源問題, 好難影到同一個色 =.=
