女人最愛, 一係手袋, 一係鞋, 今次跟大家分享的是我最近買的3對鞋, 我覺得係又平又靚又舒服既. 夏日炎炎, 涼鞋是不可缺少的. 這對啡色涼鞋從 Rabbit 購入, $250, 其實唔係咁LIKE水松底, 奈何….呢個夏天有80%既鞋都係水松底! 唔算太高的踭, 因為鞋頭也是有一丁丁點高的. 買呢對鞋既主要目的係for 6月份去新加坡既trip. 可是在旅行途中踢崩了右腳鞋頭.....露了底層的白色, 補唔返 >.< 不過還是喜歡這雙鞋, 襯legging或牛仔褲都好睇~ 上個月的新加坡之旅, 雖然只得數小時的shopping time, 不過都掃左兩對鞋! 出發前做了些資料搜集, 除了出名的Bengwansolo 鳳梨酥、斑蘭蛋糕、林志源肉乾及各種美食外, Charles & Keith 一定在must-buy item. Charles & Keith 係新加坡品牌, 是一間賣鞋、袋、太陽眼鏡的店鋪 (http://www.charleskeith.com/INTLStore/CK/product-category-shoes?dest=HKG), 大家有興趣可上去睇睇. 大部份鞋都偏高, 不過真係靚既~ 最正係每款鞋都有360度既相比你睇真D. 去到Orchard Road (烏節路)既ION shopping center, 跟友人左試右試, 好開心~ 最後買了一對淡紫色及一對黑色. 呢對淺紫色open toe我好鍾意, 個踭成3.5寸高, 但係著落好舒服, 入面好似有塊墊咁, 一踏落去有少少彈起既感覺. 呢對黑色好grand, 4寸高踭, 同事見到都好鍾意. 出發前響網上見到已經好想買, 估唔到店鋪真係有貨! 我認為襯晚裝裙是很perfect的, 襯上班的連身裙也不錯. 今天襯了legging, 又OK喎~ 兩對加埋約S$104, 買滿S$100有得退稅 (新加坡稅為17%), 最後兩對盛惠HK$600, 我認為是OK的, 因為就算響香港賣既大陸鞋都要$2XX 一對, 咁我不如加多少少錢買個靚D既款~ 退稅步驟係麻煩D, 但慳慳埋埋又可買多對哩~ 先響鋪頭跟店員講要做退稅, 佢會幫你響張receipt度寫D野, 加個Stamp. 最後飛返香港時, 記得響新加坡機場的退稅櫃位辦手續, 咁就搞掂. 上年11月去了一轉馬來西亞, 當然有去當地出名的 Vincci, 店鋪跟Charles & Keith是差唔多既, 但係就好多accessories, 好想再去多一次吉隆坡呀呀呀~
