若果一支睫毛液能夠做到豐盈、纖長、增量及捲曲, 你會唔會都好想試呢? 見到呢張相, 真係好吸引呀!! 我既睫毛唔算太短, 只係嫌唔夠密…睇下呢支睫毛幫唔幫到我先. L’Oreal Paris 推出全新Lash Architect 4D 塑形立體4D睫毛液, 為立體美睫帶來新定義. 一般纖維睫毛液好容易於塗上時搞到黏埋一舊舊、纖維太重而令睫毛下墜, 無左個捲曲度. 但係呢支就唔會, 關鍵在於採用了高科技極輕量4mm 4D塑形纖維, 唔會令睫毛因為纖維重而下墜, 塗上後反而感覺輕盈, 令捲曲弧度更持久, 仲做到根根睫毛分明啊! 我幾欣賞呢個刷頭設計 - 前窄後寬, 令我更容易塗眼頭的零碎睫毛~ 刷毛算順滑, 唔會硬掘掘. made in Italy~~~ 素眼是這樣的, 只是用了睫毛夾造出捲曲度~ 用了zigzag 既方法先塗一層, 已可把睫毛拉長, 但建議多塗一層, 令效果更明顯. 即使塗兩層, 依然輕盈, 睫毛都沒有變得過硬, 感覺自然得黎又造到想要既纖長效果. 我鍾意搽下睫毛的, 感覺上會靚d ~ 添加抗水性聚合物防水配,方溶於高揮發性溶液, 當溶液揮發後, 聚合物便會形成抗水性薄膜, 打造持久防水的效果. 可能因為咁樣, 所以我用紅水都好難卸得到. 把紅水倒在棉花, 放在睫毛上20秒, 卸得好少….但用卸妝油就可輕易卸掉. 呢支4D有一個唔好處, 就係幾小時後出現熊貓眼… L'Oreal Lash Architect 4D 塑形立體4D睫毛液 售價$139, 由5月上旬開始, 響L’Oreal Paris專門店、屈臣氏、莎莎、萬寧、Colormix都有得賣啦, 有興趣就去睇下啦~
