之前整既都是白麵包, 今次整麥包, 是我一向也喜歡的, 再加入香橙及提子, 唔會好甜又健康. 雖然今次有點烘燶, 但味道超好, 而食譜份量是以網上找到的資料做基礎, 再加加減減, 調出適合自己的啊~ 材料有: 香橙皮 (兩個橙) 橙汁 110ml 鮮奶 60ml 高筋麵粉 230g 高纖全麥粉 100g 全蛋一隻 細砂糖 20-22g 鹽 2.8-3g 速發酵母 3-3.5g 無鹽牛油 30g 要準備的工夫也不少, 首先刨出橙皮, 只要橙色那些, 不要刨得太深見白, 因會苦啊~ 然後唧出橙汁, 記住! 110ml已經夠, 多左既就直接飲左佢. 高粉與麥粉及酵母先拌勻. 再加鹽及糖拌勻. (兩者不要與酵母直接接觸, 以免影響發酵). 加蛋、鮮奶及橙汁, 至完全拌勻就加入牛油. 這個步驟….麵糰很黏, 不像以往只用高筋般能搓至光淜滑, 有廚師機的話, 一定不會如此狼狽….Anyway, 拌至這狀態蓋上保鮮紙就可以準備發酵50-60分鐘(我放入焗爐以30度去發酵, 一定唔會發唔到). 點擊圖片放大 麵糰脹大了倍半~ 一個窩搥按下粉糰, 依然是黏黏的, 在枱撒些高筋麥粉, 防至黏枱面. 把麵糰壓平排氣, 切成12份. 每份以掌心搓圓備用. 搓好後以保鮮紙蓋著讓麵糰鬆馳15分鐘. (中圖有三個用碗蓋著~) 點擊圖片放大 好!! 開始幫麵包做型啦~ 取一個麵糰拉出這形狀, 鋪上橙皮及提子. 由闊的一邊開幼身一邊卷就可以. (備用的麵糰繼續以保鮮紙蓋著, 以防水份流失) 以220度預熱焗爐8分鐘, 夠鐘就可把麵包送入爐. 今次我用了220度焗12分鐘, 已經焗到燶燶地, 所以千祈唔好咁高火, 用180度焗17分鐘最perfect!! 歡迎與我聯絡: jannis_tang174@hotmail.com facebook fanpage: Jannis Tang Through the looking glass IG: jannistang
