前一排開支比較大,真係要慳住個荷包。 講到要食平DD,我同 Mr.K 都諗到去長沙灣,有時真係會揾到經濟又美味的菜式。 呢次我們隨便走走,見到有人响街派汽球,便上前 8 掛下,原來係呢間泰式餐廳新開張,就決定入去醫吓個肚。 一入到餐廳,地方很光猛很乾淨,牆上還有些泰國餐館的一些裝飾,感覺相當親切。 打開餐牌,選擇也挺多的,而價格也很親民,有些菜式仲有份量可以選擇。 我們先來一罐可樂和一杯熱朱古力解解渴。 燒豬頸肉 燒豬頸肉一片片,切得超薄身。 外面帶點微焦,而肉質又唔會太乾,點埋附上的醬汁一齊食更添惹味。 泰式蒜蓉燒虎蝦 一碟有兩隻虎蝦,全部已經開邊煮,最啱我呢種又懶又論盡的人。 食落是啖啖肉,肉質相當嫩口,而且仲有陣陣的香蒜味,令胃口大開,呢種味道仲好啱送飯。 泰式香芒蟹肉炒飯 呢碟炒飯的份量挺多的,上枱仲熱到噴哂煙,很有鑊氣。 食落有淡淡的蛋香,配埋响飯面的蟹肉一齊食,感覺非常夾。 上面呢幾粒芒果唔係裝飾咁簡單,因為我食到一半左右開始覺得飽,再吃一口芒果,酸酸甜甜,讓胃口重開,之後仲可以食埋剩下的半碟飯。 食得飽飽的,兩個人都係大約 $250,十分抵食。 餐廳資料︰ 阿來泰式地道風味 網址: https://s.openrice.com/QrbS0KLG800 Facebook:https://m.facebook.com/Aroy-阿來泰式地道風味長沙灣店-229110767620040/ 地址: 長沙灣東沙島街162號地下 謝謝各位收看,希望大家喜歡,歡迎任何合作和試用或出席活動 My Email: shirleylkl1002@gmail.com My Facebook 專頁: https://www.facebook.com/cherli.blogging My Instagram: https://www.instagram.com/cherlili/ 我的其他平台 Blogspot: http://shirley1002.blogspot.hk/ theZtyle: http://cherli.theztyle.com U Blog: https://blog.ulifestyle.com.hk/blogger/Cherli/ BeautyExchange: http://www.beautyexchange.com.hk/blog/cherlili She.com: http://blog.she.com/cherli/ Beauty life: http://www. beautylife.hk/ ?100410 Elle Blog: http://blogs.elle.com.hk/Cherli WeShare: http://weshare.hk/cherli