有時會同老公去大坑揾吓有咩好食,通常只會在地鐵站附近一帶遊走,但是原來行多幾步,就揾到一間甚具情調的餐廳。 店鋪環境小小,很有歐陸式咖啡室的格調,跟外面繁忙的都市生活是截然不同。 我們嘆著自己點選的餐茶,他的伯爵茶和我的茉莉花茶都感覺很清新,而且服務員見我們飲完都會自動自覺為我們加水,感覺親切。 法式油浸鴨腿配窩夫班尼迪克蛋 一上枱,見到面頭兩隻班尼迪克蛋震震吓,真係好得意。先食中間的鴨腿肉,肉質是暖暖的很鮮嫩,再由上而下切一下,讓蛋黃流至鴨肉然後一齊食,感覺更香更滑。而食到個窩夫底,經已沾了一些蛋黃醬和吸了一些鴨肉香,食入口是超香脆。 珍寶龍蝦仔牛角酥配薯條 唔好以為淨係一個大大的牛角包同埋薯條,牛角包個皮是超級脆,切開時真係要好小心,為免 d 皮彈到周圍都係。而個包中間的醬是混進龍蝦肉,食落甜甜地,又好有口感,無論是夾在牛角包,或者是以旁邊的薯條點這個醬一齊食,同樣惹味。 薑汁梳乎厘 雖然食完主菜,係有 d 飽飽地,但見到餐單上的甜品照好靚,真係忍唔住要食。呢個薑汁梳乎厘真係靚到好以一幅畫咁,但服務員說個梳乎厘凍咗會塌下,所以要相機快食。用鐵匙督一下梳乎厘,已經下陷咗入去,食落很有濃郁的薑味,就算唔加旁邊的一杯薑汁都已經好夠薑,食到成身暖暖的。食埋旁邊的士多啤梨雪糕,奶味唔太濃,食埋前面的水果,中和了梳乎厘的甜膩,感覺剛剛好。 謝謝各位收看,希望大家喜歡,歡迎任何合作和試用或出席活動 My Email: shirleylkl1002@gmail.com My Facebook 專頁: https://www.facebook.com/cherli.blogging My Instagram: https://www.instagram.com/cherlili/ 我的其他平台 Blogspot: http://shirley1002.blogspot.hk/ theZtyle: http://cherli.theztyle.com U Blog: https://blog.ulifestyle.com.hk/blogger/Cherli/ BeautyExchange: http://www.beautyexchange.com.hk/blog/cherlili She.com: http://blog.she.com/cherli/ Beauty Qooza: http://beauty.qooza.hk/u/ShirleyLi1002 Beauty life: http://www.beautylife.hk/?100410 Elle Blog: http://blogs.elle.com.hk/Cherli Seewide: http://www.seewide.com/space-1581.html WeShare: http://weshare.hk/cherli itrial: http://itrial.hk/user/Cherli Openrice: http://www.openrice.com/zh/restaurant/userinfo.htm?userid=555720