最近工作較過年前忙碌,所以老公帶我去食一次既浪漫又豐富的大餐,好讓我調整身心。 既然今次佢要話事,我就完全不問他會來什麼菜式。首先來了一杯叫做 Mandy's Cure 的特飲,以及一杯果茶特飲。雖然兩杯都有水果元素,Mandy's Cure 果汁味濃,而果茶特飲茶味較重。 香燒日本吞拿魚腩沙律 平時食沙律,除了火腿之外好少可會有肉,今次呢款沙律有大大舊的吞拿魚腩,而且煎得好香,最正的係食落唔會覺得好油,真係好好食。另外,最底有白色一粒粒像魚子形狀的,食落有陣陣的乳酪味,真係好開胃。 艾迪乳鴿 唔好以前呢隻 BB 鴿細細隻,但兩個脾都有些肉食到,個皮香得來有些微脆卜卜,而肉地很嫩口,乎合人少少又想食的時候。 黑毛豬熱脆飽 職員教我們先食旁邊的菠蘿和香草,先清一下口腔,才食這個飽飽。個飽又熱又脆,個面脆到好似薯片咁,入面塊黑毛豬肉質鮮嫩,很快就清碟了~ 黑松露磨菇湯 雖然越來越多餐廳的餐湯都係這一款,磨菇粒煮得好腍,飲落個湯寧舍滑。 蟹肉濃湯配鮮蠔杯 先飲半杯湯,然後 shoot 咗杯鮮蠔,最後飲埋剩番半杯湯,口感好特別,咁樣飲湯真係第一次。 燒牛脷配日本芥辣蜜糖汁 牛脷的肉好厚,切落好腍身,食落覺得個面煎得超香,我覺得表面的味道有點像午餐肉,但食到裡面係會滲出陣陣香滑的牛肉味,味道是有點複雜但很親切。 燒西班牙黑毛豬「肉眼蓋」 呢舊淨係食橡果的黑毛豬,肉地真係好厚身,食落亦好有o趙口。 職員仲教我們黑毛豬唔需要煮太熟,所以呢舊食起上來絕對唔會鞋口,正~ 謝謝各位收看,希望大家喜歡,歡迎任何合作和試用或出席活動 My Email: shirleylkl1002@gmail.com My Facebook 專頁: https://www.facebook.com/cherli.blogging My Instagram: https://www.instagram.com/cherlili/ 我的其他平台 Blogspot: http://shirley1002.blogspot.hk/ theZtyle: http://cherli.theztyle.com U Blog: https://blog.ulifestyle.com.hk/blogger/Cherli/ BeautyExchange: http://www.beautyexchange.com.hk/blog/cherlili She.com: http://blog.she.com/cherli/ Beauty Qooza: http://beauty.qooza.hk/u/ShirleyLi1002 Beauty life: http://www.beautylife.hk/?100410 Elle Blog: http://blogs.elle.com.hk/Cherli Seewide: http://www.seewide.com/space-1581.html WeShare: http://weshare.hk/cherli itrial: http://itrial.hk/user/Cherli Openrice: http://www.openrice.com/zh/restaurant/userinfo.htm?userid=555720