小妹一向都好愛睇鬼鬼怪怪野, 所以今次見到呢套港拍鬼片, 所以點都支持下~ 呢套戲分左3個小故事形式黎拍攝, 算不上恐怖, 仲有d攪笑, 不過笑中有淚, 不過不失啦, 但同我想像中有d出入, 因為我本身真係想睇恐怖片鬼片架嘛 .... 導演 :任達華, 陳果, 陳嘉上, 泰迪羅賓, 李志毅, 劉國昌演員 :梁家輝, 任達華, 陳慧琳片長 :1小時48分級別 :IIB 級語言 :粵語上映 :11.7.2013改編自風靡海峽兩岸、香港著名作家李碧華《夜》系列原著小說，集合本地最強金像班底，台前幕後粒粒巨星，堪稱歷來港產鬼片最鼎盛演員陣容，第一集《迷離夜》將於7月11日上映，而第二集《奇幻夜》則安排在8月8日上映，每集各自包含三個靈異短篇，今年暑假勢必掀起鬼魅奇幻熱潮！ 導演: 任達華, 攝影: 關智耀, 演員: 任達華、邵美琪、林雪、元秋、王梓軒活著是貧者愈貧，富者愈富，死後的世界可會不一樣？關富強（任達華 飾）是一個潦倒的失業中年漢，為了生活，竟敢向剛剛喪夫的郭詠妮（邵美琪 飾）埋手，盜取其夫的骨灰罌並進行勒索！一切進行得異常順利，直至某個晚上，關富強收到一通神秘電話… 個人評語: 呢個Story我覺得最好睇, 生活迫人, 有d人真係冇得選擇, 好多野都係命中注定的~ 導演: 李志毅, 攝影: Wade Muller, 演員: 梁家輝、陳慧琳、童愛玲、顏卓靈風水佬何可（梁家輝 飾）自創音樂療法，教人增加正能量催吉避凶，然而租金迫人，只好無奈結業。最後一日開檔，來了一對疑似被靈界騷擾的夫婦，深感不妙的何可於是將個案轉介給隔壁的水晶占卜師王蘭（陳慧琳 飾），以為就此告一段落，安心關門大吉；誰知一個女學生（顏卓靈 飾）突然闖入要求睇掌，但她的左手緊緊握著，寧死也不肯放開… 個人評語: 做人做鬼也好, 有時太執著, 反而未必係一件好事, 反之放心, 好多問題都能解決~ 導演: 陳果, 攝影: 林華全, 演員: 邵音音、顧美華、陳靜、盧海鵬、廿四味成員 Brian、Phat、Kit每年正月廿七驚蟄，朱婆婆（邵音音 飾）都會在鵝頸橋擺檔打小人。今晚最後一位顧客是一個妙齡少女（陳靜 飾），她一口氣要打四個小人，怪事隨即接踵而來，附近更發生連串命案！善惡到頭終有報，打小人者，人亦打之，最終誰會身受其害？ 個人評語: 一念天堂，一念地獄~ 做壞事必得惡果, 好似我成日咁講, 若然未報, 只係時辰未到者, 當日朱婆冇救DaDa, 成為左幫兇, 但全因為佢想維護兒子, 什至願意代佢死, 係佢既慈母之心救返自己~ 結論: 3個故事加埋, 我唔係覺得幾恐怖, 反之導出既故事會有位比人反醒同領誤, 拍攝手法So far 3個都唔錯, 值唔值就睇你點睇啦, 不過港式鬼片, 就點都支持下既~ 星星指數: ★★★☆☆ (以上只屬個人影評, 觀眾請自行選擇) 提外話: 話說睇完之後, 我地係戲院見到熊黛林準備入場, 應該都係睇呢套呢, 之後行返屋企途中仲見到表哥係到拍更雷神套片, kee kee~ 小妹facebook朋友仔專頁, 請大家都黎like一下啦~ 另外微博都關注一下啦
