呢幾個月, 天氣好唔穩定, 時凍時熱, 連皮膚都就快頂唔順~ 小妹係天氣一轉, 臉部肌膚就會好易生粒粒既人, 又紅又痕又腫, 真係超肉酸~ 而今次小妹就要係肌膚咁唔穩定既情況之下, 試用MENARD最新推出, 以漢方為主既LISCIARE水漾美肌漢方系列既 Washing Cream~ 包裝係銀色盒盒, 所以影出黎反光了, 同埋速遞將盒壓K型了, 嗚嗚嗚 (真係唔好意思, 咁肉酸) 產品是made in Japan的~ 打開cover, 入面有張膠片係到, 以確保衛生~ 小妹見佢說明書話用手可以起到泡, 不過唔知係咪我手殘, 起出黎既泡泡超少, 所以我都係用上泡泡網幫手, 同埋小妹面比較細, 所以說明書講既份量我用少左d (唔好浪費, 可以用多幾次呀嘛, haha) 唔好睇少果一粒豆仔咁細既份量呀, 整完出黎都有咁大pat泡泡架, 用泡泡網整出黎既泡泡更多更密, 正~ 味道方面呢, 佢係有d花香似既味道, 但唔重, 都幾香, 好舒服 睇下pat泡泡真係夠晒我成塊面架啦, 密到差唔多遮晒我塊面, 好似fu mask咁, haha~ zoom埋少少睇, 真係好密好軟棉棉架~ 用後即刻乾淨左, 面上油份減少左, 但係因為夠保濕所以唔會令到肌膚有崩緊既情況出現, 好清爽, 面上紅點明顯降紅左不少, 膚色仲好似亮白左~ 呢個product真係可以推介比有敏感肌膚既朋友仔, 因為佢冇加入任何香料, 所以對肌膚既刺激非常低, 唔會令到你生粒粒, 左RR, 右RR 有興趣既朋友可以去MENARD專櫃選購一下啦~ ^^ 小妹facebook朋友仔專頁, 請大家都黎like一下啦~ 另外微博都關注一下啦
