上星期, 我都係到控制自己, 叫自己扮咩都睇唔到, 咩都唔知, Sogo冇周年慶, 所有品牌都冇減價, 為的都係想迫自己用晒屋企d野先, 點知尋日條友仔話要去銅鑼灣行街, 咁冇理由經過都唔入去下話~ 就係因為咁, 我半個鐘內立即失血~ p.s: 有冇人可以幫我補補HP呀, haha~ 好啦, 廢話少講, 去文啦~ 呢d就係我尋日買既野啦~ 首先要講既就更係我覺得好抵買既YSL 今次做呢幾set 優惠 而我就買左3Set優惠套裝, 包括: - ●明彩筆優惠套裝x 2set: 明彩筆一支 + 迷你迷魅純漾唇膏(6號色) + 迷你睫毛膏 + 二合一舒爽眼部卸妝乳液30ml = $300 / per set ●瞬間亮麗美肌優惠套裝: 瞬間亮麗美肌掃 40ml + 柔彩潔顏爽膚水 75ml + 無粒子去角質凝膠 15ml + 精美化妝袋 = $460Total: $1060 買任何3set優惠套裝仲要送PERFECTING PRIMER WATER柔滑保濕爽膚水貨size一大支 200ml (原價$320) 真心覺得超抵買low~! 之後就係用完覺得好好用, 品購既SOFINA 咕o臣泡泡 原價$240 而家9折$216 話說我唔知買個時係咪打左好多人尖.... 因為當時我見2個ba好似冇野做咁, 所以我直接行左埋去, 就咁話要一支, 就咁比左$, 就咁就走左去, 我回頭一望, 見到好多人排更隊, 仲有人好惡咁同BA講: 你又話要排隊..... 如果我真係打左大家尖, 小妹在此同大家say sorry, 我真係冇心架, 因為我行到埋去, BA又冇講咩, 唔係個女仔講, 我真係唔知, sorry~ 如果想睇返 咕o臣泡泡既試用, 請click: http://blog.yahoo.com/Celine_Diane/articles/624554 之後行下行下, 冇啦啦想買個呢d黎修下我d baby hair, 小妹baby hair超多, 一直都係用刀片, 不過諗諗下都係覺得機都係快靚正, 佢又唔貴, 所以就買了~ 原價: $128 而家9折$115 only~ 之後上左10樓換埋抽獎卷之後立即閃人, 廢是睇睇下又出血, haha~ 之後走左去希慎, 幫朋友買左3盒Dr.Ci:Labo HK美禪食 $826/3盒 送Shake Shake杯 (原價: $290/盒) 美禪食詳食文請參閱: http://blog.yahoo.com/Celine_Diane/articles/641445 小妹facebook朋友仔專頁, 請大家都黎like一下啦~ 另外微博都關注一下啦
