香港人機本上日日都八達通不離手, 因為而家八達通業務已經多原化, 買咩都嘟一下就ko~ 不過小妹係一個超級論盡怪, 一張張既八達通我都唔知唔見左幾多十張, 所以小妹之後已經決定唔再買一張張既八達通, 改用八達通配飾, 一黎唔會咁易唔見, 2黎又可以襯下袋~ 而家小妹用更個張Hello Kitty個頭已經dirty到極點, 所以小妹忍冇可忍, 所以把手一橫換左佢~ 今次購買既, 就係Rilakkuma鬆弛熊八達通配飾~ 小妹唔係fans, 所以我都唔知個2隻熊叫咩名, 不過其實最吸引我買既唔係隻公仔, 而係公仔坐住果個蛋糕, lol 由於呢張八達通係銷售版, 當然買既時候會有d條款及細則, 大家買之前記得要睇一睇呀~ 盒內除左有大家見到既Rilakkuma鬆弛熊八達通配飾之外, 仲配有小蛋糕配飾一件同埋鐵鏈一條, 比你靚靚咁掛係個袋到~ 個八達通既晶片就係係呢舊野入面啦, 個蛋糕仲有閃石tim架, 真係好靚呀, 見到都想咬一啖呀, lol 最後小妹就更係掛佢係個袋到啦, 咁樣就唔怕唔見啦~ (P.S: 當然我唔會比佢係袋出面條條fing啦~ haha~)
