話說今早出街姐姐病左, 有2套單趕住要去拎, 所以今朝又去做出街呀妹lu~ 今次去我最鍾意去既旺角, 因為做完野可以行下呀嘛~ 其實本身今日咁熱, 我想做完野立即飛返公司涼冷氣架, 不過受同事所托, 要幫佢去拎團購既野, 仲要我係街到等到一點.... 拎完野, 比我見到有間賣cupcake既鋪頭, 我就比佢d cupcake 深深咁迷到了, 一向有選擇困難既我, 企係人地鋪頭choose左好耐, 因為d cupcake真係太靚啦, 勁想一次過食晒佢地, 不過.... 話晒都叫甜野, 所以最後我都只係要左一盒4件裝~ 先先講下個蛋糕盒先, 呢個盒真係very good, 因為以小妹平時拎野既方法黎講, 拎到返去機本上係冇咩可能見到個樣, 只會一pat野咁係個盒到, 而呢個盒就真係fit到喊, 小妹fing到咩咁, 仲要比人撞左好多下, 依然絲毫冇損~ 而今次我就choose左呢4個味~ 左上: 花生味 右上: 玫瑰荔枝紅桑子 左下: 蜂蜜朱古力 右下: 芒果味 4隻味都唔錯, 花生味最香, 芒果味有少少酸酸地, 不過加埋d cream又甜甜地咁, 好match, 蜂蜜朱古力呢, 我就覺得朱古力都幾濃, 唔係好覺有蜂蜜味, 當朱古力味就是了, 不過夠香濃, 而玫瑰荔枝紅桑子呢, 食落去玫瑰味比較重, 食唔到有荔枝味, 不過係蛋糕入面有少少紅桑子果肉~ 個蛋糕底都唔錯, 幾鬆軟, sofar黎講, 我係覺得幾好味, 起碼唔會一味死甜, 食落仲好香~ $15/件, 其實都唔算貴, 下次小妹一定要帶肥仔去食, 仲要試埋個芝麻味(今日賣晒...sosad) Natural Chiffon 地址: 旺角西洋菜南街2號A銀城廣場地庫B66 電話: 5114 0566 Openrice介紹: Natural Chiffon - Natural Ingredients Bakery 無人造色素、香精、蛋糕乳化劑等化學成份， 每曰約有二十款無添加cup cake供應，派對、婚宴、送禮可大量訂購。 Facebook: http://www.facebook.com/naturalchiffon 之後就諗住反正都黎到旺角, 就順手拎埋BL既試用~ 不過enid要13:30先開門, 所以係街到行左陣~ 行行下, 心血來潮, 好想去配con, 就衝左入眼鏡鋪配, 順手check下眼, 其實小妹一向都好少帶con, 唔係要睇show呀個d我都好少帶, 但係小妹屋企全部都係color con, 有時都幾唔方便, 因為帶左color con就一定要化妝, 唔係會好奇怪, 但係如果有時去睇show, 化左妝, 玩到癲晒個時, 出返黎真係怕嚇死人, wakakaka~ (小妹一向粗魯開, sor, haha), 所以最後都係決定要配返d透明con, 但係就成日都冇衝動行入去, 今日反正有時間, 就的起心肝入去買啦~ 之前博士倫one day保濕con有5天試戴既時候, 我就已經覺得佢好舒服, 又唔乾, 所以我今次都冇諗其他牌子, 加上我只係會用one day con, 唔洗洗咁煩呀嘛, 所以一入到去都係照買返呢隻~ 原價$150/盒/30隻, 買5盒以上就每盒平$10, 仲買6盒送1盒, 買10盒送3盒~ 為起上黎真係抵好多~ (呢間shop小妹之前都有幫襯開, 覺得佢服務幾好, 又比出面平d)~ 不過基於小妹唔係成日戴, 所以最後決定買6盒送1盒, 者係$840有7盒, 圍返都係$8對~ 算抵啦~ 個老闆唔知係咪驚我 今次check眼, 發現近視又加深左少少, 2邊都係175度, 右眼更加有50散光, 睇黎我都係唔可以成日再對咁多電腦啦~ 話說小妹係做左呢份工先開始有近視架sosad~ 光明眼鏡 九龍旺角西洋菜街7號地下 27718640 www.brighteroptical.com 之後就岩岩好13:30, 可以拎埋試用啦~ 但係點知未開門...... =.='' 企係門口等左陣, 因為小妹趕住返公司, 所以好唔好意思咁打左去cwb shop問幾點先開, 麻煩到cwb shop既kinki幫我打電話比個sales姐姐, 真係唔好意思, anyway, 唔該晒~ 其實本來係團購買左支鞋粉想順手拎埋, 點知要聽日先開始, sosad, 又要再去多次lu....
