夏天又就黎到啦, 又係時間美白啦, 美白對女仔黎講, 真係好重要架, 就得小妹帶大家試下Skin Food 呢套「五味子水凝美白系列」啦~ 第一樣先試既就係Omija Whitening Teabag Toner (with cheek mask sheet) $315 樽身用上厚玻璃物料, 比較重身, 樽口扣上說明書同埋一個茶包 先將樽口內之膠蓋打開, 再將附上的茶包放入TONER入埋, 浸約1分鐘~ 1分鐘後, 將茶包拎返起, 再蓋返個膠蓋, 咁就用得架啦~ 而經茶包浸過既TONER由透明變成淡淡既茶色, 仲好香TIM呀~ 小妹都係第一次「玩」toner架咋, 哈哈~ 小妹習慣地, 將TONER例落化妝棉到用, 一黎皮膚比較易吸收, 二黎可以順便將面上既角質層去除, 一舉兩得~ 而隨TONER亦附送cheek mask sheet 10片~ 用法十分簡單, 只需將適當既TONER倒係cheek mask sheet上, 再fu 10分鐘即可~ 10分鐘後, 小妹見cheek mask sheet上既toner仲有剩, 就用埋黎fu係鼻位, 得好唔好sid呀嘛~ haha^^~ 之後就係Omija Whitening Mask Sheet $225/5pcs 加添維生素B3、角鯊烯、玻尿酸及高效濃縮精華, 更採用韓國先進納米科技, 令皮膚更快速及有效地深入滲透肌膚底層細胞, 發揮最高效既美白白保濕效果~ 1盒5片, 每次10-15mins~ 呢個mask係分開上下2part, fu既時間就會比較貼面, 而精華係cream狀, 好保濕&滋潤, 用後塊面都有光澤左, 不過有少少唔好處就係mask紙比較厚左d, fu既時候都幾焗下~ 不過d精華真係好多, 可以用黎搽埋手手腳腳架~ 都係個句啦---用得唔好sid呀嘛~ ^^ 最後就係Omija Whitening Emulsion $315~ 呢支Emulsion蘊含萃取中既玻尿酸成分及豐富既維他命C同E, 不但幫底層既皮膚進行深度保濕之餘, 更可同時加強皮膚既彈性, 撫平細紋~ 質地好滋潤, 但係又唔會笠痴痴, 不過樽口太細, 比較難倒出黎, 小妹呢個暴力怪次次都整到成個膠蓋都係, 建議如果改用泵樽會比較方便~ 呢幾件product入面, 小妹最愛都係佢個TONER, 大家快D去各大Skin Food Shop試下啦~
