之前介紹左點樣用pass去玩呢個名古屋倒U型落京都既路線，今次就介紹番呢個trip入面我食左d咩好西! Day 1 名古屋 ひつまぶし名古屋備長 地址：愛知県名古屋市中区栄3丁目6番1号 ラシック7F 702号 價錢：大約14,000yen (4個鰻魚飯+一分雞蛋卷) 去名古屋又點會唔食鰻魚飯呢！之前做research既時候發現名古屋出名既鰻魚飯三食既有三間，分別係ひつまぶし名古屋備長 、まるや本店、あった蓬莱軒。本身plan左食蓬莱軒，但因為榮站到矢場町附近太多shopping既地方，而蓬莱軒受付時間係到晚上8點30分。當時我8點35分去到，職員已經截龍，我唯有行多兩個街口食名古屋備長 。 另外ひつまぶし名古屋備長 係東京大阪都有分店。 Day 2 高山 LUNCH 1．御食事処 坂口屋 地址：506-0846 岐阜県高山市上三之町90 營業時間：1030-1500(逢星期二休息) http://hidatakayama-sakaguchiya.com/menu/ 黎到高山，一定要食盡哂所有飛驒牛既菜式。坂口屋內有唔同款式既飛驒牛菜式，例如定食，拉麵，咖哩飯等等，大家可以入上面既link睇menu。 坂口屋除左飛驒牛定食，仲有好出名既飛驒牛壽司！ 留意番，食飛驒牛定食既話就入店內order，飛驒牛壽司就店外排隊買。 ２．飛騨 こって牛 地址：岐阜縣高山市上三之町 34 營業時間：10:00～17:00 呢間飛驒牛壽司店其實係正坂口屋對面，提供飛驒牛壽司既款式比坂口屋多。個人認為下圖既壽司set係絕對不能錯過！真係好好食！！ DINNER 3．てなが あしなが 地址：岐阜県高山市本町３－５８－１１ 営業時間：11:00-15:30 17:00-21:00 http://www.tenaga-ashinaga.com/honmachi/menu.html 呢間食店我只能叫佢做飛驒牛料理店，因為佢真係咩都有！飯、定食、拉麵、すき焼き、燒肉、鐵板燒，總之咩都有！可以滿足唔同人既需要！而我就揀左すき焼き，一個字，好食！廢話唔多講，想知仲有咩食，上面條link有哂！ 4. 7-11 & Familymart 去日本，夜晚冇可能唔行轉7仔或者familymart買d零食甜品做宵夜！ 紫薯pudding 紫薯味真係好重！ 飛驒牛奶pudding 好香好好食！ Day 3 Dinner 5. 丸明高山店 地址：岐阜県高山市天満町6-8 營業時間：11:00-21:00 (last order: 20:30) 價錢：大約8000yen (飛驒牛拌飯，3個白飯，3款飛驒牛燒肉[其中一款係A5飛驒牛]) 非常出名既飛驒牛燒肉& shabushabu店，因為連手信店都有丸明既產品。我揀左飛驒牛燒肉，又好食又平，CP值好高。 Day 4 金澤 其實金澤既近江町海鮮市場有好多好野食，有水果，魚生，海鮮等等，但千奇唔好6pm後去，唔係就好似我咁，去到d鋪頭關哂門，咩都冇得食。 LUNCH 6. 麵屋大河 地址：石川縣金澤市堀川町 6-3 營業時間：11:30-15:00 17:30-23:00 因為店內得十幾個位，所以排隊就一定嫁喇，而且大部份都係日本人，相信都係當地人既美食。但對我黎講，冇話超級好食，不過同東京/九洲既拉麵係有d分別，想試下金澤既拉麵style既朋友可以試試。 DINNER 7. ポムの樹 地址：石川県金沢市堀川新町3-1 金沢ﾌｫｰﾗｽ6F 營業時間：11:00-23:00 (last order：22:00) http://www.pomunoki.com/pomunoki/ 因為當日落巨雨，只能夠行商場，所以dinner都要係商場搵食。ポムの樹係一間分店開到全日本都係既蛋包飯店，款式多到睇左10分鐘都未揀到食咩。強烈推薦去日本既話，一定要試一試，因為佢係我exchange時期既飯堂。 Day 5 京都 8. ザ・洋食屋 キチキチ 地址：京都府 京都市中京区材木町185-4 營業時間：17:00 ～ 21:00 (lunch星期六日：12:00 〜 14:00 ) http://kichi2.net/top 其實我冇食到呢間，因為我以為平日都有lunch食，結果唯有食一蘭。一蘭就唔多介紹了，都想大家幫我試下呢間流心蛋包飯。留意！！！係全予約制，去上面既link book日子同lunch or dinner。如果想食記得要book呀!!! https://www.youtube.com/watch?v=xAawGfEhzf4 附送youtube link 一條，睇完真係好想現場睇住佢整！！ 大阪 9. 牛かつ もと村 地址：大阪市中央区難波3-3-1 營業時間：11:00-23:00(last order：22:00) 近排日本既吉列炸牛排終於登陸香港，香港既我就未試過喇，係日本都試過大阪既牛かつ もと村同東京既牛かつ いろは，兩間都一樣咁好食呀！！ Day 6 名古屋 10. 豆天狗 Mametengu (高山拉麵) 地址：名古屋中部機場4F 營業時間：9:00 - 21:00 (last order: 20:30) 由於時間關係，lunch只能夠係機場解決。豆天狗係一間出名既高山拉麵店，係高山冇食到，係機場梗係食番！我只能夠講，來自唔同地方既日本拉麵既味道總有一種講唔出既不同！ 順帶一提，名古屋中部機場條美食街有好多野食，連我開頭提過既鰻魚店まるや本店都有嫁！離開名古屋既時候，可以提早黎食番餐先走丫！下面既link介紹左機場有既食店。 http://www.centrair.jp/en/shop_dine/restaurant/japanese.html 介紹左十間食店，希望燒到大家跟住我呢個路線食好野啦！ 我唔係食評家，所以唔能夠詳細描述食物既味道係點，但我上面介紹得既，就係我覺得好食，有特色，值得一試既食物！
