難得同父母出走，當然係希望可以帶佢地去睇多d地方，所以今次會分享係9月中既中部關西六天遊，其中去左名古屋，高山，白川鄉，金澤，京都同大阪。 今次旅行主要係用左高山、北陸地區周遊券(五日)，可以由名古屋入，大阪出或者倒番轉都可以。但係因為媽媽見到hk express做promo太興奮買左名古屋往返，所以最尾用多左5070yen買新幹線票返名古屋。 大家可以參考下下圖，睇下張pass可以去到咩地方去plan行程 http://touristpass.jp/zh-tw/takayama_hokuriku/ 留意張JR PASS唔可以去到日本先買，要係香港既售點比錢，去到日本再拎住張收據去指定既地方兌換上圖既PASS。 價錢係14,000yen，我係東瀛遊買，折實係HKD1002。 以下會分享6天大約行程，有興趣可以參考下 DAY 1: 晚上抵達名古屋 DAY 2: 高山古街、白川鄉 DAY 3: 上高地 (高山) (另外購車票) DAY 4: 金澤 DAY 5: 京都、大阪 DAY 6: 早上京都、下午回名古屋，回港 由於張PASS只可以連續用5日，所以DAY2先開始用張PASS。 另外張PASS係包唔到DAY3既上高地路線，所以要另外買上高地PASS。 如果唔想去上高地既話，可以將呢日留番之後京都大阪玩多一日，或者去富山玩立山黑部(夏季/紅葉季)。 希望呢篇分享可以比多個路線大家玩轉中部關西啦!
