係日本5個月入面，我食得就多既拉面就係屯ちん! 起碼食過10次! 而無敵家就食過兩次! 首先介紹下無敵家先! 無敵家位於南池袋，通常我會係JR池袋東口出再右轉，一直行大約7-10分鐘。 兩次都係大約5-6點去到，諗住唔係lunch/dinner時間會少d人，但都大約等左半個鐘！ 第一次因為太肚餓，叫左3塊肉果款拉面 其實無敵家既肉真心無敵! 又厚 又林! 湯底都唔錯，好濃！但我就嫌佢有d油膩... 要提醒下大家千其唔好太貪心，3塊肉呢款對男仔黎講應該係會飽，而對女仔黎講係會好飽! 因為我食完第二舊肉，望住淨番果舊肉飽到有崩潰既感覺.. 食完成碗有飽到好唔舒服既感覺-.- 所以建議女仔叫1塊肉果款!!! 跟住就到屯ちん啦!! 屯ちん位於西池袋，JR池袋西口出右轉，行1分鐘就到嫁喇! 我最鐘意係東京豚骨湯底！另外仲有魚介同味噌湯底! 呢間鋪仲有得免費叫碗飯一齊食！碗飯可以加鋪頭既自製kimchi,其他調味料同埋拉面既湯一齊食嫁! 下面張圖係魚介湯底，味道比豚骨咸同油膩! 開頭其實冇諗過要加飯食，因為淨食個拉面已經夠飽，仲食多碗飯會否太癲=.= 後尾因為就快要離開東京，諗住 [唉!都就走!唔理喇!咩都試啦!] ！丫又幾好味喎! 拉面湯底加飯都幾夾，仲要食得哂拉面同飯！不過其實都有少少飽但係接受到既！ 總結 ！ 我覺得無敵家係比較特別，佢既肉真係獨一無二(到而家為止我未食過第二間有咁厚既肉)！ 而屯ちん整體其實好普通，你見我冇描述個豚骨湯底係咩味就知啦！但係無論係湯底 肉 定係拉面都好適中，對我黎講係五星級既平民食堂！ 如果你問我去池袋咩拉面係最特別既，值得一試既，我會答你無敵家！ 如果你問我去池袋食咩拉面最好食，我會答你屯ちん！ 邊個話好食既野一定要係特別，普通基本野都可以好好食！ 以上既食評純個人意見，人人口味都唔一樣嫁嘛！ 我有個朋友好鐘意食無敵家，一個禮拜食幾次添=.=
