日本既東北對大家黎講可能十分陌生，因為感覺上交通唔方便，車費又貴，景點難去又唔集中，所以就算見到有好多好靚既景都唔敢去。 而事實上，以上講既完全冇錯！ 所以我今次分享下點樣用JR東日本鐵路周遊券（東北地區）去東北睇左3個夏祭 分別係青森ねぶた祭 (青森睡魔祭)、秋田竿燈まつり (秋田竿燈祭)、弘前ねぷたまつり (弘前睡魔祭)。 JR東日本鐵路周遊券（東北地區）可以使用既範圍其實好大，呢張pass既好處就係從發票日起14天內，任意選擇5天使用，唔需要連續5日用。所以可以每個縣停留一兩日玩，轉縣或者搭程貴既車先用張pass，就可以一張pass玩14日！(當然唔用pass果幾日要另外比錢搭車) http://www.jreast.co.jp/tc/eastpass_t/index.html 呢張pass去到日本或者係香港都可以買到，日本售價20,000yen，海外售價19,000 雖然張pass好似好貴接近$1500，但係其實搭兩程新幹線都已經回本！ eg: 東京->新青森 單程17,350 yen 仙台->東京 單程10,370 yen 有冇即刻覺得好抵!! 入正題！因為當年(2015年)係東京exchange，所以好自然係由東京出發！ Day 1 岩手縣 龍泉洞 淨土之濱(浄土ヶ浜) [兩個景點要搭巴士去，pass唔包] Day 2 青森縣 不老不死溫泉 千疊敷 弘前睡魔祭 Day 3 青森縣 白神山地 十二湖 青森睡魔祭 Day 4 秋田縣 秋田竿燈祭 Day 5 宮城縣 松島 如果大家有興趣既話，遲d有時間再share呢個夏祭既detail比大家啦！ 因為呢個東北trip既重點係睇夏祭同埋得5日時間，所以個路線其實安排得唔太好，但上面提及過既景點都十分值得去。如果大家有多d時間，其實東北仲有好多景點好值得去，例如山寺、銀山溫泉、十和田湖、藏王高原等等。 除左夏祭之外，東北既雪祭都非常吸引，如果我下年去得成既話再share比大家！
