早睡早起身體好，一覺訓到天光，call車去食早餐 住木屋的唔好處就係出入都要call車 當然你係可以選擇行路，但路途就好似有Ｄ遠 早餐我地揀左食buffet，而唔食和食～ 望住個靚景食早餐，so relax， 廚師仲畫左隻兔兔蛋俾我 點擊圖片放大 一日的好開始～～食完早餐番房抖左陣執好野就去享受酒店送的禮物 溫泉溫泉溫泉，人少少，浸露天的真係好舒服 空氣真係好清新呀，唔想走呀！！！！！！ 呢個就係我地浸溫泉的地方啦～～ 離開酒店之前我地把握時間周圍影下相 點擊圖片放大 +3 出發去租單車遊輕井澤啦 途經車站見到有蘋果試食同賣，嘩，試食完即刻買左袋 好甜好好食呀～日本的水果就係特別好食！！ 單車只需要４００ｙｅｎ一日，而我地首站就踩左去chocolate factory 見住Ｄ nuts包上一層朱古力，真材實料，正呀 點擊圖片放大 推介大家黎，買手信一流，買左幾盒仔俾屋企人同朋友都一致認同好食！ 鋪入面仲有好多試食 第２站係雲場池，我地去的時候已經過左紅葉期 雖然樹已經變到光禿禿，但依然有好多人黎一睹佢的風彩 行下，影下相，我地又出發我第３個點啦 呢段路踩左好耐，去到教堂就證明我地離大街不遠了，參觀下休息左一陣！ 輕井澤除左係渡假聖地，仲係結婚聖地，呢度有好多好多有特色的教堂 細個的時候我都好憧憬係教堂行禮結婚嫁，但這些機會不是我的，哈哈 教堂特別神聖，特別浪漫，去到大街又係食野食野同食野的時候 有麵包，咖啡雪糕，腸仔，芝士撻，仲有好出名但無影的果醬～～ 點擊圖片放大 +7 玩飽食飽就踩番去還車同番番東京lu～～ 點擊圖片放大 呢兩日一夜真係好正呀 第一次滑雪，第一次係日本踩單車，好難忘 下次再黎要認真學識滑雪，係年輕的時候就要學多Ｄ野，體驗更多！ 俾個like ，支持下～Facebook: Peppa 手作美食遊
