因為我地都未試過滑雪，都係第一次滑， 所以只係係個小坡到上上落落（已經好爽）， 滑落黎出奇地順利，反而上就跌低左兩次，哈哈 點擊圖片放大 你睇下，你睇下，人地幾勁～～～～～有埋服裝嫁!!! 玩左幾個鐘就已經好累，係時候去食野，行下星野個邊啦 係輕井澤車站搭Shuttle上去星野，大約３０分鐘就到 相片由官網提供 一落車先去川上庵食野 點擊圖片放大 +2 凍凍的天氣，疲倦的身體，食一碗熱辣辣的麵 當堂成個人都暖晒，精神晒，有反體力繼續玩！！！ 蕎麥麵的味道我就覺得一般，唔係話好特別，但配菜就好好味 豆腐夠豆味又滑，鴨肉正，天ぷら唔厚粉，十分脆口 食飽飽我地就係出面行下，仲食左好多野（去旅行有幾個胃） 有麵包，雪糕(好味，抹茶味夠濃）， 輕井澤名物(叫咩名已經唔記得，OK 好食) 點擊圖片放大 +4 行夠食夠就去高原教会同石の教会 點擊圖片放大 有機會大家真係要去睇下，出面望固之然係靚啦 但入到去個種感覺，真係唔識形容，好舒服，直程舒服到唔想走 而且石の教会入面唔影得相嫁，自己親眼睇同感受就最好～～ 行完就搭番車去輕井澤行outlet ｕｍ......本人覺得呢個outlet並唔係好適合我，Ｄ野都唔係話平出面好多 去左明治亭食晚飯 點擊圖片放大 一個ｓｅｔ又有飯又有麵真係抵到爛，蕎麥麵係信洲好出名 所以係咁食，哈哈，豬扒飯都好好食，我自己好仲意食日本的咖哩 點擊圖片放大 夠鐘番酒店休息啦！黎到輕井澤點都要住下木屋仔～夠特色呀嘛 我地兩個人，最低限度都要ｂｏｏｋ間４人房 好大，好舒服，兩間房，兩個ｔｏｉｌｅｔ 木屋入面有暖氣提供，所以一Ｄ都唔覺凍，訓得好舒服！！ 俾個like ，支持下～Facebook: Peppa 手作美食遊
