今次要介紹的就係一個好抵玩的大阪新景點：mister donuts博物館 到底一個博物館有咩好玩！？點抵法？ 大家慢慢睇落去就會知！ 我係mister donuts 的超級fans，去親日本都要食的 所以一知道mister donuts 個博物館有得自己試整 我就緊係點都要放佢落行程啦！ 不過去之前就一定要記得book位，仲要兩個月前上網同日本人一齊鬥快book 呢個我會係下一篇文同大家慢慢講：按我 好啦，講番正題 去donuts博物館，最近的地鐵站係江坂站 由江坂站的8號出口出，向右手邊一直行行行，行到d車上天橋個個位 隔離就已經很博物館了～～因為去個日太大雨，所以無影到門口 下圖來自官網 入到去右手邊就係Donuts鋪頭 再行入d就係今日要做donut的地方，入場前先付500yen拎埋號名牌夾係個身到 嘩～～～場地裝飾好可愛呀 點擊圖片放大 +3 放低好野，著好圍裙帶好帽，工作人員就叫我地去洗手 清潔衛生好重要！跟住戴完手套就可以開始 碌碌碌平個麵團，再係上面吸吸吸個donuts出黎 每人有3個，搞掂就會有人收走，俾麵團發酵 係等待的時候，姐姐們搬左一堆焗起的donuts俾我地做裝飾 有朱古力醬同3款碎碎俾我地隨意玩 點擊圖片放大 玩完呢個仲未夠，一人一個盒一齊畫下畫 見到日本人畫畫的技術，當刻真係好想搵地方呢埋 佢地真係畫得好好好好靚呀！ 玩完就大家一齊聽下故仔答下問題～～ 好快好快就到主角出場啦，大家輪住輪住出去睇donuts落油炸 係等的時候仲可以出去揀野飲，真係好開心嫁 一路炸，日本人會一路同你講野，真係好nice 炸完就可以自己加糖醬，而之前淨左的裝飾都可以加埋上去 好正呀，即炸即食！ 臨走前，每人仲有張認可卡同一張可以係鋪頭任揀donuts的卡 嘩嘩嘩，數一數500yen就有6個donuts啦，抵到喊 又有得玩又有得食，不得了～～ Facebook: Peppa 手作美食遊
