去Easy123學整點心，純粹係因為信用卡積分換堂平 完全無諗過可以又玩又食又學到野喎~~ 下面係我的作品 以第一次黎講我覺得我完全係滿分^^ Easy 123 係係K11個商場入面(完全唔知有呢間野存在) 2樓的cafe 後面，隔離係食上海菜之類的朋友 門面相同內籠相都係黎至官網 好~入正題，一入到去圍裙﹑note、及部份材料已經準備好，超方便！！ 首先係學石頭魚餃 餡有蝦有帶子有龍利柳等 望呀sir 做就好似好易，但自己做就兩回事 大媽媽帶住兩個BB~~ 好快好快就到下一個點心：小籠包 最難應該係收口，但因為我本身有學整麵包 所以都未至於會雞手鴨腳，做出黎仲幾成功添 最後最後就到叉燒包 同小籠包的做法差唔多，唔止做法似 連未入蒸爐前個樣都差唔多 原來叉燒包個裂紋係自然裂嫁 咁就學晒3款點心啦 因為餡同皮都係由Easy 提供， 所以全程都過得好快(無得由零開始很慘說) 係等的時候，仲有點心食 有菜，小籠包，生煎包，驢打滾 點擊圖片放大 食小籠包的時候，自己做的小籠包都出爐啦 即刻黎個對比，我個3個都唔係好差 魚餃同叉燒包都出爐了 食飽飽就走得啦，食唔晒仲有盒俾你~~~ 出街學野的好處就係可以唔駛洗野同執野 整完食完就走得~~~~~ 不過呢間野好貴，呢個course 要成430蚊 超貴，如果唔係用信用卡積分換 我都未必黎呀！！我平時學一堂包先百幾咋 都係有得食，而且勁多包拎走 um......下一次點心堂又會係幾時呢？？ Facebook: Peppa 手作美食遊
