因為要番學的關係，間唔中都會係太子附近食野 太子的餐廳眾多，但唔係間間都岩我食同價錢合理 而以下介紹的餐廳都係我常食的，可以俾大家參考一下 1）阿純山東餃子 番兜指數：４粒星（5粒星滿分） 點擊圖片放大 +2 雖然係餃子店，但我首先講的係麵，除左普通的餃子麵， 我極力推介大家試羊肉麵（第4幅圖），湯濃而羊肉又唔會太膻，很不錯 其他就係酸辣湯麵（第1幅圖），炸醬撈麵（第2幅圖）同擔擔麵（第3幅圖） 酸辣湯麵好足料同味，好過我附企附近個間，夠稠身，唔會好淡～～ 炸醬撈麵無咩特別，而擔擔麵就唔夠花生醬味！！！ 點擊圖片放大 +2 小食都好好味，羊肉餡餅（第4幅圖）仲要係黎左幾次先食到 好早就賣晒，想試想食，下次就早D到啦 海帶絲（第2幅圖）我每次去到都會食的，佢個汁較到岩岩好 唔會酸到嗆喉，充滿蒜香，海帶絲幼身，每條都沾到汁～ 海蜇（第1幅圖）就完全唔得啦，唔知咩海蜇黎，極粗身 就算不停點汁，都係無味無味同無味，青瓜（第3幅圖）無咩特別，平凡！！ 最後終於到餃子出場，其實呢，我就覺得餃子無咩特別， 餡料的款式都係正常，常見之款，但都厚薄適中，紮實而賦彈性的， 我只係比佢Ｄ小食吸引住，價錢又合理 至於炒羊肉飯，送飯一流！！！ 2） 陵發潮州白粥 番兜指數：4粒星 點擊圖片放大 +2 第一次黎的時候其實都真係有D擔心 因為餐牌係無價錢，無價錢，成間鋪都見唔到價錢 好驚會唔會開天價，好彩呢間鋪無～如果對價錢有疑問佢仲會講俾你聽 而且呢間鋪仲會睇你人頭同叫幾多送而決定你碟送的份量 確保你一定食飽！！蠔仔粥好味，食完唔會口渴，多蠔， 蠔餅都係，好足蠔，真係會啖啖蠔～～ 兩個人黎食，食３樣野，粥通常會係細碗的，而且都係百二蚊，唔貴 餐牌俾你地參考，仲意打冷的你可以黎呢度試下，都好多人食！！ 3）牧羊少年咖啡．茶．酒館 番兜指數：2星半 可能真係各人口味不同啦，呢間出名的鋪路，反而我就唔係咁仲意 一黎貴啦，而黎味道又唔係好特別，意粉同咖哩同我係其他鋪路食差唔多 真係唔需要特登黎食～～～ 4） 第一腸粉專賣店 番兜指數：3粒星 真心認為呢間鋪的蘿蔔糕幾好味 茶乾粥Ｄ菜乾打到爛晒，完全食唔到茶乾質感 始終都無屋企煲的好食Ｄ（廢話） 腸粉都夠薄，餡多，出色又講唔上，但可以一試！ 5）Thailand Netsuwan 番兜指數：3星半 點擊圖片放大 +2 食過一次，成日都常去再食，但位置真係唔就腳，所以次次都卻步 米炒必食～夠乾身，唔會油林林，夠鑊氣呀！！ 鳳爪對我而言就太太太太太太辣，真係辣到我飛起 串燒普通，條魚都好好食，鹽焗但唔會好咸，魚肉亦唔會鞋身 依家望番都想再去食呀！！！ Facebook: Peppa 手作美食遊
