咁耐無更新，係因為我去左東京（旅記稍後更新） 準備、出發、工作、學業，要做的事實在太多 無法分身，所以推到依家先有時間更新>< 今日依舊食左個早餐先外出 第一站去左哈芝巷 兩旁有D小鋪，有賣衫的，有賣藝術品的 我無入到去慢慢睇，因為我唔係我杯茶 行完就去左飲奶茶－無招牌奶茶 其實我飲唔出佢同我之前飲的有咩分別 係熱辣辣的地方飲熱野，真係即刻頭頂出煙 但一場黎到，都要入鄉隨俗 熱的比凍的仲好似更甜添～～ 飲完就去蘇丹回教堂 但好可惜，維修緊，見唔到佢最靚個面 see you in the future!!! 睇唔到咁就繼續飲飲食食 我地唔止飲晒Ｄ水，仲食晒佢Ｄ肉 個一刻我覺得我地好恐怖呀，哈哈哈哈哈 你以為就咁就完 咁你錯啦，明明我地食完早餐無耐，但又走去食Laksa 仲食你唔到－結霜橋 Laksa 黎到已經大排長龍，好多人呀 味道唔太辣，我都接受到 而且仲好好食，鰤魽一Ｄ都唔腥，湯底充滿椰香 叻沙葉切碎了，香味就易散發係湯入面，好正呀！！ 食完我地行左去Mustafa Centre買手信 ２４小時營業，人很多，貨物都好多 買完我地就搭巴士去Katong 沿途見到呢座咁靚的寺廟 好快上左巴士 而對於我地無上網的人黎講，真係靠印象，靠數車站 好彩順利到達咋，如果唔係都唔知點算 色彩繽紛的坤成路 每間屋都有各自的顏色，就好似彩虹咁 真係好吸睛呀～～ 熱辣辣就鼠左入去超市涼一涼 芒果堆同橙山 嘩一聲，我地已經到達聖帕加維那雅加廟 又係一個特別的寺廟，簡單的米黃同橙色 點擊圖片放大 同有好多石大象 唔止唔止，入到去裡面記得要抬頭欣賞 真係好靚，成隻孔雀係個頭頂到 雕工一流呀！！ 出汗出得多，消化野食都好似特別快 又食野啦，今次到328 laksa 味道比起上黎，我自己就仲意結霜橋多Ｄ 純個人口味，沒有絕對的答案 但都好食，值得一試的～～ 去到呢度，要停一停 因為下半場就閃左去Geylang 等我慢慢繼續分享！！ Facebook: Peppa 手作美食遊
