Part 2 休息完就開始下午場 先去老巴剎 一黎到我地唔係食串燒先 反而係係佢個熟食中心食左炒蝦麵 整體都幾好食，唔會好油同好濕 一個蠔餅，普通 唔夠香港個d好味 同一碗糖水 雖然椰子汁做底係幾好味的，但可惜d餡唔係話好好食 食完我地就行出去食串燒啦 睇見都熱辣辣呀～～ 要左一個set，一共有４款 蝦、牛肉、羊肉、豬肉 佢個汁好正呀，唔辣但好惹味 食飽飽又出發 一睇地圖就知行程的先後次序調轉左 雖然我地出發的前一兩日，李光耀離世 金沙酒店燈光水舞秀取消左 但都無阻我地繼續前往該處 行過去的途中，仲見到降半旗同悼念處 好快就行到去金沙酒店對面影景 真係好唔錯 根住再過去魚尾獅公園 大小魚尾獅～Hello & Goodbye 好快，我地又出發去Clarke Quay 沿途好多人手持鮮花排晒隊，咁我地都估到大約做咩 但最最最估唔到係封死左我地行去Clarke Quay條路 OMG，警察叔叔想幫我地都幫唔到 咁最後我地都唯有兜個大圈行過去 P.S 番到HOTEL睇新聞先知，今日係最後一日入去國會大廈弔唁 人係多到你估唔到，國會大廈四周的路係完全封晒 除左人龍，不論其他人定車都唔會行到 沿途如果見到佢的相，你就會見到花 終於，我地行到啦 先去食個肉骨茶 好重胡椒味，飲完簡直係熱熱熱熱同熱呀 但肉就好林，好好食！ 呢舊野，我望到眼都突埋，Ｏ晒嘴 行左一個圈，我地就番酒店啦！！！ 滿足的一日 Facebook: Peppa 手作美食遊
