Day1 朝早8點機，搭第一班E車 一路順風地6點幾到機場 出境、悠遊、換雜誌都係每次上機前必做的 今次加多樣，就係影一影登機閘口 未出發已興奮 上到機睇下Menu，聽下我最愛的2AM 點擊圖片放大 好快就派餐，睇Menu只係8掛，其實自己Book左個海鮮餐 忌廉汁3文魚焗蛋配薯角，味道很不錯 之後仲叫左杯Cocktail 對於我呢D 少接觸酒精的小朋友，係有少少太濃味 同堆都有少少藥水味 所以只好麻煩旅伴幫我執手尾，真係辛苦晒 望望美麗的天空，聽聽動人的音樂 短短的機程就結束了，到達新加坡 由一班音樂青蛙歡迎我地，黎，大家一齊演奏..... Wo.... WoWo... WoWoWoWoWo...... 今次為左大家可以專心旅行，無租任何wifi egg及無買任何上網卡 但如果你要一落機就上FB打卡的話 機場的WIFI服務可以幫到你，唔係簡單的WIFI服務 係一個需要用你Passboard先拎到password的wifi 好啦，再玩就唔駛出機場嫁啦～ Big Hotel 座落於Bugis，由機場出發 坐地鐵大概需要30分鐘左右 唔知係香港D地鐵開得太快，定新加坡D地鐵太慢 硬係覺得加坡D地鐵行得好慢好慢好慢 既然你無得用電話帶路 整地圖，預先上網查好D路線係必然的 Bugis C出口出，行15mins 就到酒店了 雖然未夠鐘Check-in，但酒店好好咁俾我地提早上房 圖片由酒店提供－BIG Hotel 先休下息，攤抖下，因為出面實在太熱 出發去結霜橋 Laksa 唉，其實我已經上網搵清楚佢幾時休息嫁啦 唔知逢邊個星期三呀嘛，我仲突登數過唔係今日添 但人地已經改左每個星期三休息啦 大家要記得啦，結霜橋 Laksa 係每個星期三休息嫁 食唔到呀，唔緊要，搵第2樣野食 附近有間出名的Mubarak，咁就去o個度啦 叫左凍奶茶同薄餅 點擊圖片放大 +2 凍奶茶係個咁熱的天氣飲，真係透心涼 計劃唔同左唔緊要，望下地圖，睇下自己想去邊 先去都卡夫回教堂 入到去就要除鞋，女仔仲要著件教堂提供的長長長長長外套 真係好長，著左之後見唔到自己隻手同腳 點擊圖片放大 參觀完就出發去維拉瑪卡里亞曼興都廟 都係需要除鞋的 而且中間佢地會有閉門休息時間，去的人可能要留意下 再去竹腳中心行左個圈 實在頂唔順，要去嘆冷氣了 咁就去左間超市－Sheng Siong 兩層慢慢行，買左出名的 Laksa 麵 行完成個人都涼晒，但大家都覺得需要番酒店休息下 咁就又行番酒店了 下part再續~~~ Facebook: Peppa 手作美食遊
