旅程分享完，等我同大家分享下手信 1. 香蕉蛋糕 味道唔會話好特別，亦唔係好食到飛起，但係呢 就係貪佢可愛，買唔買隨你 2.白之戀人 本人爸爸好仲意，好快就食晒成盒 餅乾好脆，不論白朱古力定黑朱古力都唔會話好甜，係唔錯的 3. 米菓 自己好仲意，反正就好似薯片咁，會食唔停 4. Melon Jelly 大個版Jelly我一個都無食過，就俾屋企人食晒 好受歡迎，細細個的都好食，無得夏天去 食唔到出名的蜜瓜，食Jelly頂住先啦 5.綠茶產品 我唔係好好綠茶的，我只係買黎做手信 6.米菓 我真係好仲意食嫁，芝士味仲無得頂添呀 7. hori 粟米巧克力棒 好似米通咁樣，仲意朱古力同粟米的我，點會唔買呀？ 8. 魷魚系列 去到北海道，你唔係唔買呀嘛!? 9.魷魚筒飯 係當地食唔到，買番黎自己整熱黎食 味道唔錯的，同埋好方便呀，整熱就食得 10. 薯片&Kitkat 呢隻薯片堅好味，好濃紫菜味，Kitkat 只係我突然想食 11.Royce朱古力薯片 我大力推介大家要買呢個，當香港賣到鬼死咁貴的時候 係日本買只係700yen，仲要極好食 又甜又咸，好特別 12.蘋果乾&豆豆 蘋果乾又俾我屋企人搶左，佢地話好好好好好食 所以一塊都無留俾我，至於D豆，我都好仲意食 全部都好好食 13.芝士餅&蜜瓜糖 芝士餅好重芝士味，仲意芝士的你唔好錯過！ 真係濃到不得了 而蜜瓜糖做手信亦都係一留的 14.薯條3兄弟及其他產品 薯味比其他薯條重，一D都唔油膩 少少的咸味，唔係其他薯條產品可比 味道超班～～其他產品試過就算，唔特別 15.薯條杯 食過薯條3兄弟就被比下去的佢地，味道都唔錯的 亦都有好多唔同的味道 16.粟米&帆立貝 北海道的粟米真係好甜好好味，一定要試 而帆立貝唔駛講都知好食啦，要買呀 17.LetTao朱加力, Pastry Snaffles芝士蛋糕+Royce朱古力 Letao朱古力，好濃提子味，入口即溶 Pastry Snaffles芝士蛋糕之前都講過，好香好濃芝士味，一試愛上 Royce朱古力出名滑，中間夾埋綠茶醬，超正呀 另外個間只係一個餅裝緊D糖only，哈哈 18. 粟米粒&粟米米菓 一盒o個個我又係一粒都無食過就唔見左 佢真係一粒粒粟米，只係出面有Ｄ糖之類的野包裹住 而一包包我就係炸粟米粒，好味！我至愛～ Facebook: Peppa 手作美食遊
