Day 6 今日終於可以訓晏少少先起身，唔駛再一早起身趕搭車啦 因為今日只係近近地去小樽 早餐我地選擇左去場外市場食，食蟹 去到桑園站，我地先去行左行Aeon 好大，行得好舒服 之後先慢慢行去市場，沿途好多好多好多好多鳥鴉，好恐怖 幾驚佢飛埋黎，去到市場雖然唔係好大 但每間鋪都好似發現新大陸咁 點擊圖片放大 +2 格好價，行晒所以鋪頭，我地終於坐低食野 買左兩隻腳，真係好好味 食條肉咁食真係好爽 食飽飽就出發去小樽啦 我地選擇左係南小樽落車，慢慢行行行行去小樽走～～ 而桑園去南小樽，一程車38分鐘就到 雪呀～～雪呀，好白痴的我倆無帶遮呀 一路行去童話十字路口同 オルゴール堂都好大雪呀 最後要係 オルゴール堂買遮 Ｄ音樂盒好靚，成個地方都好夢幻 唔止音樂盒，Ｄ燈都好吸引，我仲意呀 我將來間屋可唔可以有一盞呢Ｄ燈呀!? 等到Ｄ雪細左，我地就行過去LeTao & 六花亭 & 北菓樓 一條街有晒３間重點商店，正！ 朱古力好味，香濃滑，買左盒 跟住諗住去食北菓樓的夢不思議 點知，賣晒，咁就只可退而求其次 都好食，泡芙好脆身，牛油味重 內餡係cream，又係好滑身，香濃牛奶味 受歡迎係有佢原因的 北菓樓的年輪蛋糕都好出名，但我地只係試食左舊 無買到～～ 六花亭 就必買士多啤梨朱古力 士多啤梨酸酸地，配以甜甜的朱古力 無論送禮定自食都一留呀 一路行落去，行埋北一硝子館等鋪頭就去食Dinner 政壽司 點擊圖片放大 好滿足呀，每一件都好好食，呢Ｄ質素係香港真係搵唔到 政壽司的樓下已經係小樽運河 如果再多Ｄ雪，應該更浪漫吧 影相的時候仲有3.5度，但係一影完又落大雪 好快就落到去得０度or 以下 可愛的雪人 番到去札幌，又行去狸小路食個宵夜！ 你話呀，我下次點會唔住狸小路呢邊呀 由於旅伴係拉麵愛好者，仲十分鐘情一風堂 所以今晚宵夜就係一風堂拉麵 無可否認的係一風堂的湯底係正過一蘭的 o個種濃度唔係間間都做到 食飽就番酒店啦 完～～ Facebook: Peppa 手作美食遊
